Osée 9:4 - Mbeti ti Nzapa - Tënë so amu fini

⁴ Kâ, fade ala yeke tuku vin kete na sese ti mu na *sandaga na KOTA GBIA pepe; sandaga ti ala ni ayeke nzere na be ti lo pepe. Kobe ti ala ayeke duti tongana kobe so azo ayeke te na ngoi ti ye ti vundu; azo so kue ayeke te ni, ala yeke ga *sioni. Kobe ti ala ni ayeke kai nzara ti ala, me ala lingbi ti li na ni na ya ti kota da ti KOTA GBIA pepe.

Osée 9:4 Iomraidhean Croise

Sigingo 29:40

Ti kozo taba ni, ala yeke mu kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni. Na pekoni, ala ga na litere oko na ndambo ti vin.

Sigingo 40:23

Lo leke na ndö ti meza ni mapa so a yeke zia na dawa ti KOTA GBIA, alingbi na yanga so KOTA GBIA amu lani na Moïse.

Ésaïe 57:6

Israel, atêne so tere ni aga pendere ndali ti ngu so ayeke sua na tere ni, atêne ni laa aga ye ti mo, ni laa aga ye so a mu na mo! Mo yeke mu sandaga ti samba na ala, mo yeke ya nga asandaga na ala. *KOTA GBIA ahunda ndo, atene: “Aye tongaso alingbi ti de be ti mbi?”

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Jérémie 16:7

Zo ayeke mu kobe pepe na azo so ayeke na mua ti de be ti ala; zo ayeke mu nga kopo pepe na azo ni ti de be ti ala, ataa babâ wala mama ti ala laa akui.

Jérémie 6:20

Dukani so ala mu kâ na Saba a ga na ni na mbi so, nyen laa mbi yeke sara na ni, nyen? Pere ti sarango na yombo so afun nzoni si ala mu kâ na mbeni kodro yongoro aga na ni na mbi so, nyen laa mbi yeke sara na ni, nyen? Be ti mbi ake tënë ti asandaga ti ala so a yeke gbi ni kue na wâ; asandaga ti anyama ti ala anzere na mbi pepe.

Ezekiel 24:17

Mo dema gi na be ti mo, mo sara mua pepe; me mo kanga na li ti mo bongo so a yeke kanga na li tongana kpoto, mo yu poro ti mo. Mo mu bongo, mo kanga na kua ti yanga ti mo pepe, mo te kobe so a to ndali ti totongo na kuâ pepe.”

Ezekiel 24:22

Fade ala yeke sara ye gi tongana ti so mbi sara so. Ala yeke mu bongo ti kanga na kua ti yanga ti ala pepe; kobe so a to ndali ti totongo na kuâ, ala te ni pepe.

Daniel 1:8

Daniel aleke na be ti lo ti ke ti ga *sioni ndali ti kobe ti gbia nga ndali ti samba ti lo. Tongaso Daniel ahunda na makonzi ti ambaiwa ti gbu lo na ngangu pepe si lo ga *sioni.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:9

Azo akiri aga na *sandaga ti le ti kobe pepe, wala ala kiri aga na sandaga ti samba na ya ti kota da ti KOTA GBIA pepe. Ndani laa awayango-sandaga so ayeke sara kua ti KOTA GBIA ayeke na mua.

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Awayango-sandaga 17:11

Biani, fini ti ye so kue Nzapa asara ayeke na ya ti mene. KOTA GBIA laa amu na ala mene titene ala sara na kua na ndö ti gbalaka ti zi na siokpari na li ti ala. Biani, Nzapa ayeke zi siokpari na li ti azo na lege ti mene, ngbanga ti so fini ayeke na ya ni.

Awayango-sandaga 21:17

Tene na Aaron, mo tene: “Na ya ti angoi so ayeke ga, fade mbeni *hale ti mo oko so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe.

Awayango-sandaga 21:21

Mbeni *hale ti wayango-sandaga Aaron so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. Ndali ti so mbeni mbage ti tere ti lo abuba, lo lingbi ti ya na mbi kobe ni pepe.

Awayango-sandaga 21:6

Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.

Awayango-sandaga 21:8

Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Malashii 2:13

Mbeni use ye so ala yeke sara ni ayeke so: ala sara si ngu ti le ti ala amu ndö ti gbalaka ti KOTA GBIA kue. Ala yeke dema tere ti ala si ala yeke toto, ngbanga ti so aye so ala yeke mu na KOTA GBIA so, lo kiri lo baa ni na nzoni le pepe, lo kiri lo yamba ni na nzoni be pepe.

Wungo ti azo 19:11

Zo so kue ayeke ndu kuâ ti mbeni zo, lo yeke ga *sioni na ya ti lango mbarambara.

Wungo ti azo 28:2

“Mu yanga so na azo ti Israel, mo tene: Ala sara hange ti mu na mbi *asandaga so ayeke ti mbi alingbi na ngoi ni; so ti tene asandaga ti kobe so ala yeke gbi ni kue na wâ si fion ni anzere na mbi.

Wungo ti azo 4:7

Ala yeke bi na ndö ti meza so a yeke zia mapa na ndö ni bongo so nzoroko ni akpa le ti nduzu si ala yeke zia na ndö ni aye tongana: akpangbara sembe, akete kopo, adu ti sembe nga na akopo ti samba. Ala yeke zia na ndö ti meza ni mapa so ala lingbi ti zia na dawa ti mbi KOTA GBIA lakue lakue.

Jean 6:51

Mbi yeke mapa so ayeke mu fini na zo, mapa so alondo na yayu si aga. Zo so ate mapa so, fade lo yeke ngba na fini lakue lakue. Mapa so mbi yeke mu ande ayeke tere ti mbi so ayeke sara titene azo ti dunia awara fini.”

Ndia ti fani use ni 26:14

Na ngoi so mbi yeke na mua, mbi te mbeni ye na ya ti dime ni oko pepe; na ngoi so mbi ga *sioni, mbi zi mbeni ye oko daa pepe, mbi mu mbeni ye oko na kuâ pepe. Mbi ma yanga ti mo, KOTA GBIA Nzapa ti mbi; mbi sara ye kue alingbi na yanga so mo mu na mbi.