Osée 9:3 - Mbeti ti Nzapa - Tënë so amu fini

³ Fade azo ti Efraim ayeke ngba na ya ti kodro ti *KOTA GBIA pepe; ala yeke kiri na sese ti Ezipte si na sese ti Asirii, ala yeke te kobe so ayeke *sioni.

Osée 9:3 Iomraidhean Croise

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Abia ti demango tere 5:6

Titene e wara kobe ti tengo ni, e yeke yoro maboko ti e na azo ti Ezipte nga na azo ti kodro ti Asirii.

Ezekiel 4:13

KOTA GBIA akiri atene: “Gi tongaso laa azo ti Israel ayeke te *asioni kobe na popo ti amara nde so mbi yeke tumba ala ti gue daa.”

Daniel 1:8

Daniel aleke na be ti lo ti ke ti ga *sioni ndali ti kobe ti gbia nga ndali ti samba ti lo. Tongaso Daniel ahunda na makonzi ti ambaiwa ti gbu lo na ngangu pepe si lo ga *sioni.

Osée 11:11

Ala yeke londo na Ezipte ti ga na dongo tere tongana akete ndeke; ala yeke londo na Asirii ti ga tongana ambipa. “Fade mbi yeke sara titene ala lango na ya ti kodro ti ala”; so tënë ti yanga ti KOTA GBIA laa.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Awayango-sandaga 18:28

Ala sara si kodro ni akiri aga *sioni pepe. Tongaso pepe, kodro ni ayeke tumba ala tongana ti so lo tumba ando azo so aduti daa kozo ti ala.

Awayango-sandaga 20:22

“Ala bata andia ti mbi kue na atënë ti ndia ti mbi kue. Ala sara ye alingbi na ni, tongaso si kodro so mbi yeke gue na ala titene ala duti daa, kodro ni atumba ala pepe.

Awayango-sandaga 25:23

“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Mishe 2:10

Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Awatokua 10:14

Me Pierre atene: “Oko pepe, Kota Gbia! Mbeni *sioni ye wala ye so *Ndia ake tënë ni, mbi de ti te ni laoko pepe.”

Ndia ti fani use ni 28:63

Tongana ti so be ti KOTA GBIA anzere ando ti sara nzoni na ala, ti sara si ala wu mingi, fade be ti lo ayeke nzere nga ti sara titene ala kui si ala hunzi kue. Lo yeke zi ala na sese so ala yeke gue ti mu ni titene aga ti ala.

Ndia ti fani use ni 28:68

KOTA GBIA ayeke kiri na ala na Ezipte na ya ti amangboko; lo yeke kiri na ala na ya ti kodro so mbi tene tënë ni lani na ala, mbi tene: “Fade ala yeke kiri ti baa kodro ni pepe.” Kâ, ala wani ayeke ka tere ti ala tongana angbaa na awato ti ala; me awato ti ala ni ayeke ke ti vo ala.

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Josué 23:15

Biani, legeoko tongana ti so KOTA GBIA, Nzapa ti ala asara ye alingbi na azendo so lo mu na ala, fade lo yeke sara si aye ti sioni so kue lo tene tënë ni ayeke si na ala. Fade lo yeke sara si ala hunzi kue na ndö ti nzoni sese so lo mu na ala.