Osée 9:2 - Mbeti ti Nzapa - Tënë so amu fini

² Me ale ti ble so a yeke pika na ndö ti alakere nga na mafuta so a yeke pete na ya ti du ayeke sara si ya ti mo asi pepe; fini vin so mo yeke ku, mo yeke ku ni gbaa.

Osée 9:2 Iomraidhean Croise

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 2:9

Lo yeke tumba peko ti andeko ti lo, me lo yeke tumba peko ti ala gbaa; lo yeke gi ala, me lo yeke wara ala pepe. Na pekoni, lo yeke tene: ‘Fade mbi yeke kiri na kozo koli ti mbi, ngbanga ti so mbi yeke duti lani nzoni mingi ahon ti fadeso.’

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

Aggée 2:16

nyen laa asi na ala, nyen? Mbeni zo abaa ti lo atene, ni yeke gue ti mu sakpa ti kobe baleuse na ya ti gogoro, me lo wara gi sakpa baleoko. Mbeni zo apete vin ti lo na ya ti du, lo baa ti lo, lo tene, ni yeke wara litere baleoku, me lo wara gi litere baleuse.