Osée 9:17 - Mbeti ti Nzapa - Tënë so amu fini

¹⁷ Fade Nzapa ti mbi ayeke ke ala, ngbanga ti so ala ma lo pepe. Fade ala yeke tambula kirikiri na popo ti amara nde.

Osée 9:17 Iomraidhean Croise

2 Mbai 18:13

Mishe akiri tënë, atene: “*KOTA GBIA ayeke na fini! Tënë so Nzapa ti mbi ayeke tene, gi ni laa mbi yeke tene ande!”

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Néhémie 5:19

“Ae Nzapa ti mbi, mo dabe ti mo na ye so kue mbi sara ndali ti azo so! Mo sara nzoni be na mbi!”

Abia (Psaumes) 31:14

Mbi yeke ma atënë ti mvene so azo ayeke tene na iri ti mbi, atene: “Lo yeke zia mbeto na be ti azo mbage na mbage kue!” Ala ma tere na popo ti ala na tere ti mbi, ala leke tënë ti fâ mbi.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Jérémie 6:30

A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 7:13

Baa, fadeso ala yeke sara gi mara ti asioni ye so. Mbi mu ngoi ti mbi kue ti tene tënë na ala, me ala ma pepe; mbi iri ala, me ala ke ti yeda; so tënë ti yanga ti KOTA GBIA laa.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Osée 4:10

Ala yeke te kobe, me ya ti ala ayeke si pepe; ala yeke sara aye ti ndumba, me ala yeke du amolenge pepe, ngbanga ti so ala ke ti ne KOTA GBIA.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Amos 8:2

Lo hunda mbi, lo tene: “Amos, nyen laa mo baa, nyen?” Mbi kiri tënë: “Mbi baa mbeni sakpa so abengo le ti keke ayeke na ya ni.” Tongaso *KOTA GBIA atene na mbi: “Awe! Ti azo ti mbi, Israel, ye ni abe awe! Mbi yeke kiri ti kanga le na ndö ti sioni ti ala mbeni pepe.

Amos 9:9

Ti fadeso, mbi yeke mu yanga titene a yengere azo ti Israel na popo ti azo ti amara nde tongana ti so a yeke yengere ale ti kobe si gi ale ti têne laa angba na ya ti yengere ni.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Zakarii 1:4

Ala sara ye tongana ti akotara ti ala pepe. Ando, akozo wayanga-Nzapa afa tënë ti mbi na akotara ti ala ni, atene: Tënë so KOTA GBIA so ayeke na ndö ti dunia kue atene ayeke so: ‘Ala zia ngbene lege ti sarango ye ti ala, ala zia asioni sarango ye ti ala.’ Me ala ma pepe, ala ma yanga ti mbi pepe; so tënë ti yanga ti KOTA GBIA laa.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Awatokua 3:23

Zo so kue ake yanga ti wayanga-Nzapa so, fade a yeke zi lo na popo ti azo ti Nzapa si a yeke fâ lo.’

Ndia ti fani use ni 32:26

Mbi tene: ‘Mbi leke na be ti mbi ti fâ ala kue ti hunzi ala, mbi ye titene zo akiri adabe ti lo na mara ti ala pepe na ndö ti sese so.

Ndia ti fani use ni 4:25

Tongana ala duti ande na sese ni aninga si ala du amolenge, amolenge ti ala adu amolenge, alingbi ala sara siokpari pepe na lege ti sarango mbeni yanda, limo ti mbeni ye so a leke na kode si akpa limo ti aye nde nde. Ala sara pepe ye so ayeke sioni ti so be ti KOTA GBIA Nzapa ti ala.

Ndia ti fani use ni 4:27

Fade KOTA GBIA ayeke kangbi ala kirikiri na popo ti amara nde; wungo ti ala ayeke ngba gi kete na ya ti akodro so KOTA GBIA ayeke tumba ala daa.

Filipe 4:19

Fade Nzapa ti mbi ayeke mu na ala ye so kue atia ala; lo yeke mu ni na ala na lege ti Jésus Christ, ngbanga ti so lo yeke na anzoni mosoro ahon ndoni.

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.