Osée 9:16 - Mbeti ti Nzapa - Tënë so amu fini

¹⁶ A pika Efraim awe; lo yeke tongana keke so agunda ni ahole awe si ayeke kiri ti le pepe. Ataa lo du amolenge, fade mbi yeke sara si amolenge ti ya ti lo so lo ye ala mingi so akui.”

Osée 9:16 Iomraidhean Croise

Tongo nda ti aye 41:23

Na pekoni, mbi baa ali ti ble so ale ni akpengba kpengbango, ange ngengo asigigi. Pupu ti wâ ti To azö ni si ahole kue.

Mbeti ti Job 18:16

Lo yeke ga tongana keke so na gbe ni, agunda ni ahole; na li ni, amaboko ni ahole nga.

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ezekiel 24:21

Tene na azo ti Israel, mo tene: Tënë so Kota Gbia NZAPA atene ayeke so: Mbi yeke sara si ndo so a zia ni nde ndali ti mbi aga sioni. Andaa da ti mbi ni ayeke ye so ala yeke pika kate ti ala ndali ni, ye so apendere na le ti ala, ye so ala zia be ti ala daa ndali ti fini ti ala. Amolenge ti ala ti koli na ti wali so ala zia ala na Jérusalem, fade a yeke fâ ala na yongoro zeme.

Osée 5:11

“Azo asara ngangu mingi na Efraim, azo afâ ngbanga ti lo na legeni oko pepe, ngbanga ti so lo ye ti kpe gi na peko ti asenge senge ye.

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’