Osée 9:13 - Mbeti ti Nzapa - Tënë so amu fini

¹³ Efraim, na bango lo so mbi yeke baa lo lani na mbage ti Tir kâ, lo yeke tongana keke so a lu ni na nzoni sese. Me alingbi Efraim amu amolenge ti lo titene a fâ ala.”

Osée 9:13 Iomraidhean Croise

2 Agbia 15:16

Na ngoi ni so, Menahem ague ti tiri bira na gbata ti Tifsa. Lo fâ azo ti gbata ni kue; lo fâ nga azo ti kodro so kue angoro gbata ni, ti londo na Tirsa ngbii asi na Tifsa. Lo sara bira na gbata ti Tifsa, ngbanga ti so azo ni azi ayanga ti gbata ti ala na lo pepe. Kâ, lo suru nga ya ti amama ti ngo kue.

Mbeti ti Job 27:14

Tongana lo du gba ti amolenge, fade ala yeke kui kue na ya ti bira; kobe ayeke tia *ahale ti lo.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Jérémie 9:21

“Ti mo Jérémie, mo tene: So tënë ti yanga ti KOTA GBIA laa: ‘Kuâ ti azo ayeke lango na sese tongana puru na le ti yaka, tongana ale ti kobe so azo ti fango ale ti kobe afâ ni si ati na sese si zo ti rongo ni ayeke daa pepe.’ ”

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Ezekiel 27:3

Mo tene na Tir, mo tene: Mo so mo yeke na yanga ti kota ngu-ingo si mo yeke de buze na gba ti azo so alango na ya ti azoa nde nde; tënë so Kota Gbia NZAPA atene ayeke so: Tir, mo tene lani: ‘Pendere ti mbi alingbi kue.’

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 9:16

A pika Efraim awe; lo yeke tongana keke so agunda ni ahole awe si ayeke kiri ti le pepe. Ataa lo du amolenge, fade mbi yeke sara si amolenge ti ya ti lo so lo ye ala mingi so akui.”

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”