Osée 9:12 - Mbeti ti Nzapa - Tënë so amu fini

¹² Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Osée 9:12 Iomraidhean Croise

2 Agbia 17:18

Tongaso KOTA GBIA asara ngonzo mingi na tere ti azo ti Israel; lo tumba ala yongoro na tere ti lo. Gi azo ti mara ti Juda laa angba.

2 Agbia 17:23

Nilaa KOTA GBIA atumba ala yongoro na tere ti lo alingbi na tënë so lo tene na lege ti azo ti kua ti lo so kue ayeke awayanga-Nzapa. Tongaso a mu azo ti Israel na sese ti ala wani, a gue na ala na kodro ti Asirii, ndo so ala ngba daa ngbii asi laso.

Mbeti ti Job 27:14

Tongana lo du gba ti amolenge, fade ala yeke kui kue na ya ti bira; kobe ayeke tia *ahale ti lo.

Jérémie 15:7

Na ya ti gbata oko oko ti kodro ni, mbi pe ala tongana ale ti kobe ti kangbi ala kirikiri. Mbi fâ azo ti mbi, mbi hunzi amolenge kue, me azo ni azia lege ti sarango ye ti ala pepe.

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Abia ti demango tere 2:20

KOTA GBIA, mo baa nga maa! Azo ti mo laa mo sara na ala tongaso? Mo baa, awali so adu amolenge si abata ala so, ala kiri ti te amolenge ni tongana nyen so-oo? Azo ague ngbii ti fâ awayango-sandaga na awayanga-Nzapa taa na ya ti kota da ti mo biani?

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Osée 9:13

Efraim, na bango lo so mbi yeke baa lo lani na mbage ti Tir kâ, lo yeke tongana keke so a lu ni na nzoni sese. Me alingbi Efraim amu amolenge ti lo titene a fâ ala.”

Osée 9:16

A pika Efraim awe; lo yeke tongana keke so agunda ni ahole awe si ayeke kiri ti le pepe. Ataa lo du amolenge, fade mbi yeke sara si amolenge ti ya ti lo so lo ye ala mingi so akui.”

Malashii 2:12

Zo so asara mara ti ye tongaso, ayeke nzoni *KOTA GBIA azi asewa ti lo kue na popo ti azo ti Israel! Ayeke nzoni zo oko akiri angba pepe ti mu *sandaga na iri ti lo na KOTA GBIA so ayeke na ndö ti dunia kue.

Wungo ti azo 14:34

Ala mu lani lango baleosio ti *bembe ndo na ya ti kodro ni; nilaa asioni ye so ala sara so, ala yeke baa pasi na peko ni na ya ti ngu baleosio; so ti tene ngu oko ndali ti lango oko, ngu oko ndali ti lango oko. Tongaso, ala yeke hinga atene, sarango ngangu li na mbi, ayeke sioni mingi.

Wungo ti azo 26:65

Mbeni zo oko angba pepe, ngbanga ti so KOTA GBIA atene lani na ala, atene: “Fade ala kue ayeke kui na ya ti benyama.” Nilaa mbeni zo oko angba pepe, gi Kaleb, molenge ti Yefune, na Josué, molenge ti Nune.

Ndia ti fani use ni 28:18

Deba ayeke ga na ndö ti ala si ala yeke du amolenge mingi pepe, akobe ti ayaka ti ala ayeke le mingi pepe; abagara, ataba na angasa ti ala ayeke du mingi pepe.

Ndia ti fani use ni 28:32

A yeke zia amolenge ti ala ti koli na ti wali na maboko ti amara nde. Ala, azo ti Israel, fade le ti ala ayeke ngba na lege ti ku kiringo ti amolenge ni, me ala yeke ku gbaa.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

Awafango-ngbanga 4:16

Barak atumba peko ti apusu ti bira ni nga na aturugu ni ngbii lo si na Harosheth-Goim. Lo fâ aturugu ti Sisra kue, mbeni oko angba pepe.

1 Samuel 16:14

Yingo ti KOTA GBIA asigigi na tere ti Saul si mbeni sioni yingo so KOTA GBIA atokua ayeke sara lo kirikiri.