Osée 9:11 - Mbeti ti Nzapa - Tënë so amu fini

¹¹ Fadeso, gonda ti azo ti Efraim ayeke huru ti hon tongana ti so ndeke ayeke huru: awali ti ala ayeke kiri ti du pepe, ala yeke kiri ti duti na ngo pepe, ala yeke kiri ti mu ngo pepe.

Osée 9:11 Iomraidhean Croise

Tongo nda ti aye 41:52

Lo di iri ti use molenge ni Efraim, ngbanga ti so lo tene na be ti lo, lo tene: “Nzapa asara si mbi ga zo ti dungo ni na sese so a sara pasi na mbi.”

Tongo nda ti aye 49:22

Joseph ayeke tongana mbeni keke so ayeke le mingi, keke so ayeke na tere ti li ti ngu. Amaboko ti keke ni ayeke hon na ndö ti gbagba ti kodro.

2 Samuel 6:23

Mikal, molenge ti Saul ti wali adu molenge pepe ngbii lo kui.

Mbeti ti Job 18:5

Biani, fade lamba ti zo ti sioni ayeke mingo, wâ so ayeke na ya ti duke ti lo ayeke kiri ti za pepe.

Abia (Psaumes) 58:8

Ayeke nzoni ala hon tongana ngu so asua ahon. Ayeke nzoni Nzapa atokua ale ti kokora ti lo si ngangu ti ala kue ahunzi.

Zo ti bongbingo azo 6:3

Mbeni zo alingbi ti du amolenge ngbangbo oko si lo lango ngu mingi na ndö ti sese so. Me tongana lo duti nzoni pepe si a wara nzoni ndo ti lu kuâ ti lo daa pepe, mbi tene: molenge so a du lo na kuâ ni aduti nzoni ahon zo ni so.

Ésaïe 17:3

Gbagba ti bira so ayeke na tere ti Efraim ayeke kiri ti ngba pepe, gbia ayeke kiri ti ngba na Damas pepe. Tanga ti azo ti Sirii so angba so, ala yeke kpa nga ye oko pepe tongana azo ti Israel. So tënë ti yanga ti *KOTA GBIA so ayeke na ndö ti dunia kue laa.

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 4:7

“Awayango-sandaga kue kue kue asara siokpari so ake mbi; fade mbi yeke sara si nengo ti kua ti ala aga kota ye ti kamene.

Osée 5:9

Na lango ti fango ngbanga, fade kodro ti Efraim ayeke buba kue. Tënë so mbi yeke tene na azo ti mara ti Israel so, tënë ni ayeke taa-tënë.

Osée 9:14

KOTA GBIA, sara na ala… Fade mo yeke sara na ala nyen? Sara si ngo akiri angba na ya ti ala pepe si me ti ala ahole holengo!

Amos 1:13

Tënë so KOTA GBIA atene ayeke so: “Mbi yeke na tënë na azo ti mara ti Amon ndali ti asioni ye ota, wala osio so ala sara: ala suru ya ti amama ti ngo na sese ti Galaad ti sara si sese ti ala akono. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Nzoni Tënë so Luc asu na mbeti 23:29

ngbanga ti so alango ayeke si ande so fade azo ayeke tene: ‘Ti ala nzoni, ala awali so ayeke awali ti dungo ni pepe, na ala so adu ya ti ala pepe, na ala so molenge anyon me ti ala laoko pepe!’

Ndia ti fani use ni 28:18

Deba ayeke ga na ndö ti ala si ala yeke du amolenge mingi pepe, akobe ti ayaka ti ala ayeke le mingi pepe; abagara, ataba na angasa ti ala ayeke du mingi pepe.

Ndia ti fani use ni 28:57

ataa amolenge so wali ni adu ala fini fini nga na bobo so asigigi na ya ti wali ni, lo yeke te ni. Biani, ndali ti so ye kue ayeke tia lo na ndembe so awato ti ala ayeke ngoro agbata ti ala na bira si awato ni ayeke sara ngangu na ala ahon ndoni, fade wali ni ayeke te amolenge ti lo na hondengo ni.

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”