Osée 9:10 - Mbeti ti Nzapa - Tënë so amu fini

¹⁰ KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.

Osée 9:10 Iomraidhean Croise

1 Agbia 16:31

Titene lo sara gi amara ti siokpari so Yeroboam, molenge ti Nebat asara, so alingbi na lo pepe. Na ndö ni, lo mu Yezabel ti ga wali ti lo; Yezabel ayeke molenge ti Etbaal, gbia ti azo ti mara ti Sidon. Akab ague ti sara na nzapa *Baal si lo kuku na gbe ti nzapa ni ti voro lo.

2 Agbia 17:11

Na ando so kue ala leke na ndö ti ahoto titene ala voro anzapa nde daa, ala zö dukani tongana amara nde so KOTA GBIA atumba ando ala na dawa ti azo ti Israel so. Ala sara asioni ye mingi ti zia ngonzo na be ti KOTA GBIA.

Abia (Psaumes) 115:8

Azo so asara anzapa ni, azo so azia be ti ala na ndö ti anzapa ni, ayeke nzoni ala ga tongana ala.

Abia (Psaumes) 81:12

Me azo ti mbi ama yanga ti mbi pepe, azo ti Israel aye tënë ti mbi pepe.

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

Ésaïe 28:4

Kongo so awoko awe si ayeke sara pendere ti gbata ni, gbata so ayeke na nduzu ti popo-hoto so akobe ayeke le daa mingi so, fade ayeke ga tongana le ti fige so abe kozo na ngoi ti fango ale ti kobe. Gi so mbeni zo abaa le ti fige ni, lo mu ni si hio lo mene ni.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 24:2

Afige so ayeke na ya ti kozo sakpa ni ayeke pendere ahon ndoni; ala yeke tongana akozo bengo fige. Afige ti ya ti use sakpa ni ayeke sioni ahon ndoni, akpa titene zo ate ni pepe.

Jérémie 3:24

Ti londo na ngoi so e de molenge ngbii asi laso, Kamene ate aye ti peko ti kua ti akotara ti e kue: ataba ti ala na abagara ti ala, amolenge ti ala ti koli nga na ti wali.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 31:2

Tënë so *KOTA GBIA atene ayeke so: “Na benyama, mbi sara nzoni be na azo so asigigi lani na ya ti kuâ. Israel ayeke gue ti duti kpoo.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Ezekiel 20:8

“Me akotara ti ala ni atomboka na tere ti mbi, ala ye ti ma mbi pepe. Afungo yanda so ayeke gboto ala, zo oko abi ni yongoro pepe; zo oko azia ayanda ti Ezipte pepe. Tongaso mbi tene na be ti mbi: Fade mbi yeke tuku ngonzo ti mbi ti wâ na ndö ti ala taa na Ezipte; mbi yeke tuku ngonzo ni na ndö ti ala ngbii be ti mbi ade si.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 13:5

Mbi, mbi hinga mo na benyama, na sese so ndo-wâ na holengo ndo ayeke daa mingi so.

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Osée 4:14

Me fade mbi yeke kiri peko ti sioni na amolenge ti ala ti wali pepe ndali ti sarango ye ti ndumba ti ala, wala mbi yeke kiri peko ti sioni na awali ti amolenge ti ala pepe ndali ti akoli ti amba ti ala so ala yeke gi so. Me mbi yeke kiri peko ti sioni na ala, awayango-sandaga, ngbanga ti so ala wani, ala yeke mu awali-ndumba so, ala yeke hon na ala na mbeni ndo si ala na awali-ndumba ni ayeke te kobe so a mu na sandaga na anzapa. Mbeni mato atene: ‘Mara so ahinga ndo pepe ayeke mara so ati awe.’

Osée 4:18

So ala nyon samba ahon ndö ti ala awe, ala kiri ti sara gi aye ti ndumba; amakonzi ti ala aye ti sara gi aye ti kamene mingi.

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Mishe 7:1

Mawa na mbi! Mbi yeke tongana zo so ague ti gi ale ti keke na peko ti so azo ako ale ti keke ni kue awe; mbi yeke tongana zo so ague ti gi ale ti *vinye na peko ti so azo afâ ale ti vinye ni awe. Me mbi wara mbeni ye oko ti tengo ni pepe, ataa le ti vinye wala le ti fige so anzere na mbi mingi so.

Wungo ti azo 15:39

Tongana ala yeke baa akamba ti yanga ti bongo ti ala ni, fade ala yeke dabe ti ala na atënë ti yanga ti KOTA GBIA kue, ala yeke sara ye alingbi na ni; tongaso si be ti ala wala le ti ala ahanda ala pepe ti voro ayanda.

Wungo ti azo 18:13

Akozo le ti kobe ti sese ti ala so azo ayeke ga na ni na mbi ayeke ga ti ala. Zo so kue ayeke *nzoni na ya ti sewa ti ala alingbi ti te ni.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Ndia ti fani use ni 32:10

KOTA GBIA awara azo ti Israel na benyama, na ndo so zo ayeke daa pepe, na ndo so a yeke ma gi toto ti *anzagua daa. Lo gbu ala na kate ti lo, lo bata ala nzoni, lo bata ala tongana mboma ti le ti lo.

Ndia ti fani use ni 32:17

Ala yeke ya *asandaga na asioni yingo so ayeke nga Nzapa pepe, ala hinga anzapa ni so pepe. Ala yeke afini nzapa so akotara ti ala ahinga ala laoko pepe.

Ndia ti fani use ni 4:3

Ala wani abaa na le ti ala ye so KOTA GBIA asara ndali ti vorongo *Baal ti Peor: azo so kue na popo ti ala amu peko ti nzapa nde so, KOTA GBIA afâ ala kue.

Awafango-ngbanga 6:32

Gi na lango ni so, azo adi iri ti Gédéon: Yerubaal, so aye ti tene: “Ayeke nzoni Baal agbu koko ti lo wani”, ngbanga ti so lo kungbi gbalaka ti Baal na sese.