Osée 9:1 - Mbeti ti Nzapa - Tënë so amu fini

¹ Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Osée 9:1 Iomraidhean Croise

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Ésaïe 17:11

Lango so mo lu na aye ni, mo yeke baa ni ayeke kono; gi na ndaperere, ye so mo lu so, mo baa ni ayeke mai. Me na ngoi so mo ye ti fâ ale ni, ale ni ahon awe, yoro ti kai na kobela ayeke daa pepe.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Abia ti demango tere 4:21

Ala sara ngia ma, ala, azo ti sese ti Edom! Ala dodo na ngia ma, ala, azo so alango na kodro ti Us! Fade a yeke mu nga na ala gi oko kopo ni si ala nyon asara ala tongana samba; fade ala zi bongo na ngbonda ti ala.

Ezekiel 16:15

“Me mo zia be ti mo na ndö ti pendere ti mo nga na ndö ti sango ti mo so amu ndo kue; tongaso mo sara ye ti ndumba. Mo lango na akoli so kue ayeke hon na lege si mo ga ye ti ala.

Ezekiel 16:30

Ae, mo yeke kanga be pepe! So tënë ti yanga ti mbi, Kota Gbia NZAPA laa. Na sarango ye tongaso, mo ga makonzi wali-ndumba!

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.

Ezekiel 21:10

Tongaso, fade azo kue ayeke hinga atene, mbi KOTA GBIA laa mbi gboto yongoro zeme ti mbi na ya ti bozo ni; mbi yeke kiri ni na ya ni mbeni pepe.’

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Osée 5:4

Sarango ye ti ala akanga lege na ala ti kiri na Nzapa ti ala, ngbanga ti so pupu ti sarango ye ti ndumba ayeke ya na popo ti ala si ala hinga KOTA GBIA pepe.

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!