Osée 8:8 - Mbeti ti Nzapa - Tënë so amu fini

⁸ “A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.

Osée 8:8 Iomraidhean Croise

2 Agbia 18:11

Gbia ti Asirii agbu azo ti Israel, ague na ala na kodro ti Asirii; lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Ésaïe 30:14

Ya ti dere ni afâ kete kete tongana ta ti wasarango-ta; zo alingbi ti kiri ti leke ni pepe. Zo alingbi ti mu mbeni fango ni ti mu na le ti wâ na ya ti duke pepe wala ti to na ngu na ya ti du ti ngu pepe.”

Jérémie 22:28

Azo ayeke hunda ndo, atene: “Koli so, Konia so, lo yeke mbeni ta so ya ni afâ awe? So ti tene mbeni ta so zo alingbi ti sara na kua pepe? Lo ga mbeni ta so zo aye ni mbeni pepe? Ngbanga ti nyen si a tumba lo, lo na amolenge ti lo si a bi ala na ya ti mbeni kodro so ala hinga ni pepe so?”

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 48:38

Na li ti ada so ayeke na Moab nga na ndo so gba ti azo ayeke bongbi daa, gi abia ti totongo kuâ si a yeke ma. “Mbi fâ ya ti Moab awe tongana ti so zo a fâ ya ti ta so lo ke ni awe”; so tënë ti yanga ti KOTA GBIA laa.

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Abia ti demango tere 2:16

Awato ti ala azi yanga ti ala ti gi tënë na ala. Ala yeke huru yanga ti ala, ala yeke te pembe ti ala na ngonzo si ala yeke tene: “E yeke hunzi ala hunzingo. Een! Lango ni alingbi awe! E ku lango ni ngbii, e si daa awe, e baa ni awe!”

Abia ti demango tere 2:2

KOTA GBIA akungbi akete kodro ti sese ti Israel kue; lo baa mawa ti akodro ni oko pepe. Ngonzo ti lo ti wâ alondo; nilaa lo kungbi agbata ti Juda na sese; agbata so a sara angangu gbagba na tere ni so. KOTA GBIA abi kodro-gbia ni na sese, lo buba iri ti kodro ni na akota zo ni kue.

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Abia ti demango tere 4:2

Anzoni molenge ti *Sion alingbi lani na ngere ti lôro ti nzoni ni. Nyen asara si ala kiri aga fadeso tongana ta ti sese so-oo? Nyen asara si ala ga tongana senge ta so wasarango-ta asara ni so-oo? Azo-oo, azo!

Abia ti demango tere 5:2

Asese so ayeke ti e wani so, akiri aga ti awande. Ada ti lango ti e akiri aga ti azo so e hinga le ti ala laoko pepe.

Ezekiel 36:3

Fadeso mo tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: Mbage na mbage, azo abuba ala si asara nzara ti ala; amara nde amu ala ti ga ye ti ala; azo ahe ala na ngia si azonga ala.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.