Osée 8:14 - Mbeti ti Nzapa - Tënë so amu fini

¹⁴ “Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Osée 8:14 Iomraidhean Croise

1 Agbia 12:31

Yeroboam asara ada ti vorongo anzapa nde na li ti ahoto. Lo mu asenge zo ti kodro ti sara kua ti wayango-sandaga, ataa so azo ni ayeke azo ti mara ti Lévi pepe.

1 Agbia 16:31

Titene lo sara gi amara ti siokpari so Yeroboam, molenge ti Nebat asara, so alingbi na lo pepe. Na ndö ni, lo mu Yezabel ti ga wali ti lo; Yezabel ayeke molenge ti Etbaal, gbia ti azo ti mara ti Sidon. Akab ague ti sara na nzapa *Baal si lo kuku na gbe ti nzapa ni ti voro lo.

2 Agbia 18:13

Na ngu baleoko na osio ni so Ezekias ayeke le-gbia, Senakerib, gbia ti Asirii aga ti tiri bira na agbata kue ti Juda so a sara ngangu gbagba na tere ni si lo mu agbata ni.

2 Mbai 26:10

Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

2 Mbai 27:4

Lo sara agbata na sese ti Juda so ahoto ayeke daa; lo sara agbagba ti bira nga na ada so ayo na nduzu na ya ti gbako.

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Abia (Psaumes) 95:6

Ala li, e kuku, e kpo li ti e na sese, e voro lo; e kuku na gbe ti KOTA GBIA, lo so lo sara e.

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 29:23

Biani, tongana ala na amolenge ti ala ayeke baa ande ye so mbi yeke sara na popo ti ala, fade ala yeke hinga atene mbi, mbi yeke taa Nzapa, Nzapa ti Jacob so ayeke nde si ayeke nzoni kue; ala yeke do na mbeto na dawa ti mbi, Nzapa ti Israel.

Ésaïe 42:13

KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 9:10

Tongaso KOTA GBIA airi awato ti Resen ti ga na tere ti azo ti Israel; lo pusu azo so ake ala ti ga na tere ti ala:

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 23:27

Ala baa ti ala atene, na lege ti abango-li ti ala so ala yeke tene peko ni na amba ti ala so laa, ala lingbi ti sara si iri ti mbi akai na yanga ti azo ti mbi? Ala ye ti sara legeoko tongana akotara ti ala so agirisa ando iri ti mbi ndali ti *Baal so?

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Amos 1:10

Fade mbi yeke bi wâ na gbagba ti Tir si wâ ni ayeke gbi ayangbo ti gbata ni kue.”

Amos 1:12

Fade mbi yeke bi wâ na gbata ti Teman si wâ ni ayeke gbi ayangbo ti gbata ti Bosra kue.”

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Amos 1:4

Fade mbi yeke bi wâ na da ti gbia Hazael si wâ ni ayeke gbi yangbo ti gbia Ben-Hadad.

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Ndia ti fani use ni 32:18

Azo ti Israel, Kota Têne ti batango ala, lo so lo du ala, ala baa lo tongana senge ye; Nzapa so asara si ala baa gigi, be ti ala agirisa na lo awe!