Osée 8:12 - Mbeti ti Nzapa - Tënë so amu fini

¹² Ataa mbi su na mbeti atënë ti ndia gbani gbani ndali ti ala, ala yeke baa ni tongana mbeni ye so alondo na kodro wande.

Osée 8:12 Iomraidhean Croise

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Abia (Psaumes) 119:18

Zi le ti mbi si mbi baa aye ti kpene so ayeke na ya ti ndia ti mo.

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Amato 22:20

Mbi su na mbeti ndali ti mo awango nde nde na atënë ti gbungo-li so wungo ni ayeke nduru na baleota.

Ésaïe 30:9

Biani, azo so ayeke azo ti ngangu li, ala yeke amolenge ti handango zo, ye so KOTA GBIA afa na ala, ala ye ti ma pepe.

Ezekiel 20:11

Mbi mu na ala andia ti mbi, mbi sara si ala hinga lege ti sarango ye so mbi fa; zo so asara ye alingbi na ni, lo yeke duti na fini.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Rome 3:1

Tongaso, ye so azuife ahon azo ti amara nde na ni ayeke nyen? Ye ti nzoni so zo ayeke wara na lege ti fango *ganza ayeke nyen?

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.