Osée 8:1 - Mbeti ti Nzapa - Tënë so amu fini

¹ Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Osée 8:1 Iomraidhean Croise

2 Agbia 18:27

Me makonzi ti aturugu ni akiri tënë na ala, atene: “Gbia ti mbi atokua mbi ti tene tënë so gi na ala nga na gbia ti ala oko? Tënë ni ayeke nga ndali ti azo so aduti na ndö ti gbagba ti gbata ni, azo so fade ayeke te puru ti ala wani si ala yeke nyon inon ti ala tongana ti so ala na gbia ti ala ayeke sara ni ande.”

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 34:18

“Azo so abuba ya ti mbuki ti mbi na ala awe, mbuki so lani ala sara na dawa ti mbi, na lege ti kete bagara so ala suru ya ti lo use si ala hon na popo ti nyama ni so. Azo ni ake ti sara ye alingbi na atënë ti ya ti mbuki ni awe. Nilaa fade mbi yeke sara na ala gi mara ti ye so ala sara na kete bagara ni so.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 4:5

Ala to mbela na sese ti Juda kue, ala to mbela nga na ya ti Jérusalem. Ala huru didi na ya ti kodro ni kue, ala dekongo ngangu, ala tene: “Ala azo, ala bongbi tere ti ala, ala li na ya ti agbata so gbagba ti bira ayeke na tere ni!”

Jérémie 48:40

Baa, tënë so KOTA GBIA atene ayeke so: “Wato azi ya ti kpangi ti lo, lo yeke huru na ndö ti Moab tongana *ngoalo.”

Jérémie 49:22

Wato azi ya ti *kpangi ti lo, lo yeke huru na le ti nduzu tongana *ngoalo na ndö ti gbata ti Bosra. Na lango ni so, fade be ti angangu zo ti bira ti Edom ayeke fun kue tongana ti wali na ndembe ti dungo ni.

Jérémie 51:27

Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Ezekiel 11:4

Ndani laa, alingbi mo tene peko ti tënë ti yanga ti mbi na ndö ti ala. Molenge ti zo, tene peko ti tënë ti yanga ti mbi na ndö ti ala!”

Ezekiel 16:59

“Biani, tënë so mbi Kota Gbia NZAPA, mbi tene ayeke so: Mo baa dengo ba ti yanga ti mo tongana mbumbuse ye si mo buba lege ti *mbuki ti mbi na mo. Ndani laa, fade mbi yeke sara na mo alingbi na ye so mo sara.

Ezekiel 17:3

Mo tene na ala, mo tene: Tënë so Kota Gbia NZAPA atene ayeke so: ‘Mbeni kota *ngoalo ayeke daa so *akpangi ti lo akono mingi, kua ti tere ti lo ayo yongo si ayeke gbani gbani, anzoroko ni ayeke nde nde. Mbeni lâ, lo huru lo ga na ndö ti hoto ti Liban. Lo kungbi li ti keke ti sedre,

Ezekiel 7:14

Ataa a huru tatalita, ataa a leke ye kue ndali ti bira, zo oko ti gue na bira ni ayeke daa pepe, ngbanga ti so ngonzo ti mbi ti wâ alondo na tere ti azo ti kodro ni kue awe.”

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Osée 9:15

“Na Gilgal laa asioni ti ala kue asigigi polele; kâ laa be ti mbi ake ala. Ndali ti asioni sarango ye ti ala, fade mbi yeke tumba ala na da ti mbi, mbi yeke kiri ti ye ala pepe; amakonzi ti ala kue ayeke azo ti ngangu li.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Joël 2:15

Ala huru didi na ndö ti hoto ti *Sion, ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa,

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

Amos 9:1

Mbi baa Kota Gbia aluti na nduzu na ndö ti gbalaka, lo tene: “Alingbi ala kungbi ali ti akota yongoro gere ti kota da ti Nzapa si agere ti da ni ayingi. Ala fâ li ti da ni si da ni atuku na ndö ti azo kue. Azo so angba na fini, fade mbi yeke sara si ala kui kuâ ti yongoro zeme; zo oko alingbi ti kpe pepe, zo oko alingbi ti soo kuâ pepe.

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.

Sofonii 1:16

Lango ni ayeke lango ti hurungo didi, lango ti dekongo ti bira ti mu agbata so ngangu gbagba ayeke na tere ni nga na ada so ayo na nduzu mingi so.

Zakarii 11:1

Hoto ti Liban, mo zi ayanga da ti mo si wâ agbi akeke ti sedre ti mo kue.

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.

Matthieu 24:28

Ndo so akuâ ayeke daa, ndo so laa *angoalo ayeke bongbi tere ti ala daa.”

1 Korente 15:52

gi hio tongaso, tongana ti so zo ayeke ko le ti lo na ndembe so tanga ti tatalita ayeke toto. Biani, na ndembe so tatalita ni ayeke toto, akuâ ayeke zingo na mbeni tere so ayeke kiri ti buba pepe; ti e, tere ti e ayeke ga nde.

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.