Osée 7:2 - Mbeti ti Nzapa - Tënë so amu fini

² Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Osée 7:2 Iomraidhean Croise

Mbeti ti Job 34:21

Biani, le ti Nzapa ayeke baa ndo na ndö ti dutingo ti azo; lo yeke baa peko ti gere ti ala kue.

Abia (Psaumes) 10:11

Lo tene na be ti lo: “Nzapa agirisa tënë ni awe; lo kanga le ti lo awe, lo baa ye laoko pepe.”

Abia (Psaumes) 25:7

Mo kiri mo dabe ti mo pepe na asiokpari nga na asioni so mbi sara na ngoi so mbi de maseka. Me na lege ti nzoni be ti mo, KOTA GBIA, dabe ti mo na mbi, ndali ti so mo yeke nzoni mingi.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Abia (Psaumes) 90:8

Mo zia asioni ti e na le ti mo, aye so e sara na gbe mingo asigigi polele na le ti mo.

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 44:19

Zo oko ayeke gbu li ti lo wani pepe, zo oko ayeke hinga ndo nzoni pepe, zo oko ayeke hinga nda ti ye nzoni pepe si lo tene na be ti lo wani, lo tene: “Mbage ti keke so, mbi sara na wâ, mbi to kobe ti mbi na le ti wâ ni, mbi zö nyama so mbi te. Na tanga ti mbage ti keke ni, mbi sara na ye so zo alingbi ti baa na le ti lo fani use pepe. Mbi yeke kuku na gbe ti nduru keke!”

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Jérémie 14:10

Tënë so KOTA GBIA atene na azo so ayeke so: “Biani, ala ye gi ti tambula kirikiri, ngbonda ti ala agbu sese pepe.” Ye ni anzere na be ti KOTA GBIA pepe. Fadeso, lo dabe ti lo na asioni ti ala, lo yeke pika ala ndali ti aye ti kirikiri ti ala.

Jérémie 16:17

Le ti mbi abaa asarango ye ti ala kue, ahonde na le ti mbi oko pepe; sioni so ala yeke sara ayeke polele na le ti mbi.

Jérémie 17:1

“Tongana ti so a yeke de mbeti na wen na tere ti têne, wala na diaman so li ni ayeke tongana ti pondi, a su siokpari ti azo ti Juda legeoko tongaso na ndö ti be ti ala nga na tere ti adidi ti agbalaka ti ala.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 44:21

“Na ya ti agbata ti Juda nga na ndö ti abalabala ti Jérusalem, ala mu ando asandaga so awe, ala na ababâ ti ala, agbia ti ala, akota zo ti ala na azo ti kodro ni kue; so mvene laa? Ala baa ti ala atene, KOTA GBIA ahinga tënë ni pepe? Be ti lo ati daa pepe?

Ezekiel 21:29

Ndani laa, tënë so mbi Kota Gbia NZAPA, mbi tene ayeke so: Ala sara si mbi dabe ti mbi na asioni ti ala; na lege ti asarango ye ti ala kue, ngangu li ti ala na siokpari ti ala asigigi polele. So ala sara si a kiri a dabe na asarango ye ti ala ni, fade a yeke gbu ala titene ala ga azo ti kanga.

Osée 12:2

Pupu aga kobe ti azo ti Efraim, ala yeke tumba peko ti pupu ti To, ti londo na ndaperere ngbii asi na lakui; ala yeke tene mvene mingi mingi si ala yeke sara ngangu na azo. Ala na azo ti Asirii aleke tënë ti ga *ambuki, ala yeke tokua mafuta na azo ti Ezipte.

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:15

“Na Gilgal laa asioni ti ala kue asigigi polele; kâ laa be ti mbi ake ala. Ndali ti asioni sarango ye ti ala, fade mbi yeke tumba ala na da ti mbi, mbi yeke kiri ti ye ala pepe; amakonzi ti ala kue ayeke azo ti ngangu li.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Amos 8:7

*KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Wungo ti azo 32:23

Me tongana ala sara tongaso pepe, andaa ala sara siokpari ti ke KOTA GBIA; ala yeke wara ye ti peko ti siokpari ti ala ni.

Nzoni Tënë so Luc asu na mbeti 12:2

Ye so kue angba na hondengo ni, fade nda ni ayeke sigigi; ye so kue angba na gbe mingo, fade azo ayeke hinga tënë ni.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Ndia ti fani use ni 32:29

Tongana ala yeke fade azo ti ndara, ka ala hinga nda ti ye so, ka ala ku ti baa ye so ayeke si na ala gbanda.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.