Osée 7:16 - Mbeti ti Nzapa - Tënë so amu fini

¹⁶ Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Osée 7:16 Iomraidhean Croise

Abia (Psaumes) 12:3

Zo oko oko ayeke du mvene na li ti mba ti lo; tënë ti yanga ti ala anzere gi nzerengo, tënë ti be ti ala ayeke use use.

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 17:10

Ala yeke baa mawa ti zo pepe, tënë ti baba asi singo na yanga ti ala.

Abia (Psaumes) 52:2

David ahe bia so na ndembe so Doeg, zo ti mara ti Edom ague, atene na Saul, atene: “Baa David ayeke na da ti Ahimelek”.

Abia (Psaumes) 57:4

Kâ na yayu, ayeke nzoni lo yeke tokua ye ti songo mbi na kuâ. Biani, zo ti tumbango peko ti mbi ayeke zonga mbi. Luti kete Ayeke nzoni Nzapa afa na mbi so lo yeke sara nzoni be na mbi si lo yeke bata tënë ti yanga ti lo.

Abia (Psaumes) 73:9

Ala zi yanga ti ala ti zonga yayu si menga ti ala ayeke kasa ye kue na ndö ti sese.

Abia (Psaumes) 78:37

Ala zia be ti ala kue na lo pepe, ala bata tënë ti mbuki ti lo pepe.

Abia (Psaumes) 78:57

Tongana ti so akotara ti ala asara, ala mu mbeni sioni lege, ala zia lege ti Nzapa, ala yeke tongana kokora so aba bango, so zo alingbi ti zia be ti lo na ndö ni pepe.

Ésaïe 3:8

Jérusalem ati awe, kodro ti Juda abuba awe. Ala ke KOTA GBIA na lege ti tënë ti yanga ti ala nga na sarango ye ti ala; ala sara ngangu li na KOTA GBIA so ayeke na gonda.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Ezekiel 23:32

Tënë so mbi Kota Gbia NZAPA, mbi tene ayeke so: Kopo so lani ita ti mo anyon so, gi ni laa mo yeke nyon ni. Kopo ni akono si ya ni ali. Ndali ni, azo ayeke he mo si mo yeke ga ye ti ngia, ngbanga ti so kopo ni asi mingi.

Ezekiel 36:20

Andaa, na popo ti amara so ala gue daa, ala buba iri ti mbi so ayeke nde si ayeke nzoni kue. Biani, azo atene tënë ti ala, atene: ‘So azo ti KOTA GBIA laa; kodro ti lo laa ala do azia!’

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Osée 11:7

Azo ti mbi aleke be ti ala ti ke mbi biani biani; a iri ala titene ala londo na nduzu, me zo oko na popo ti ala alondo pepe.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Osée 9:3

Fade azo ti Efraim ayeke ngba na ya ti kodro ti *KOTA GBIA pepe; ala yeke kiri na sese ti Ezipte si na sese ti Asirii, ala yeke te kobe so ayeke *sioni.

Osée 9:4

Kâ, fade ala yeke tuku vin kete na sese ti mu na *sandaga na KOTA GBIA pepe; sandaga ti ala ni ayeke nzere na be ti lo pepe. Kobe ti ala ayeke duti tongana kobe so azo ayeke te na ngoi ti ye ti vundu; azo so kue ayeke te ni, ala yeke ga *sioni. Kobe ti ala ni ayeke kai nzara ti ala, me ala lingbi ti li na ni na ya ti kota da ti KOTA GBIA pepe.

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Malashii 3:13

Tënë so *KOTA GBIA atene laa: “Ala tene asioni tënë mingi na tere ti mbi si ala hunda ndo, atene: ‘Asioni tënë ti nyen laa e tene na popo ti e na tere ti mo?’

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?

Matthieu 12:36

Mbi tene na ala: na lango ti fango ngbanga, fade azo ayeke kiri tënë na ndö ti asenge senge tënë so kue ala tene ando.

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Jacques 3:5

Legeoko nga, menga ayeke mbeni kete kete mbage ti tere ti zo, me menga ni ayeke gonda tere ti lo ndali ti so, lo lingbi ti sara akota ye mingi. Ala baa, gi senge kete kete menga ti wâ alingbi ti gbi kota gbako!

2 Pierre 2:8

Biani, koli ti mbirimbiri so asara kodro na popo ti azo ni. Lakue lo yeke ma ala si lo yeke baa aye so ala yeke sara. Lakue lakue, aye ti sioni so azo ni ayeke sara, tënë ni ayeke te ya ti be ti zo ti mbirimbiri so;

Aye so Nzapa afa 13:5

A mu na nyama ni lege ti tenengo atënë ti baba na atënë ti zongango Nzapa; a mu na lo ngangu ti sarango ye na ya ti nze baleosio na use.