Osée 7:15 - Mbeti ti Nzapa - Tënë so amu fini

¹⁵ Mbi laa mbi fa lege na ala, mbi mu ngangu na ala, me ala leke na be ti ala ti sara sioni na mbi.

Osée 7:15 Iomraidhean Croise

2 Agbia 13:23

Me KOTA GBIA asara nzoni be na azo ti Israel, lo baa mawa ti ala; lo kiri na mbage ti ala ndali ti *mbuki so lo sara na Abraham, Isaac na Jacob. Nilaa lo ye ti fâ ala kue pepe. Na ngoi so, ade lo tumba ala yongoro na tere ti lo pepe.

2 Agbia 13:5

Tongaso KOTA GBIA atokua mbeni zo titene lo soo azo ti Israel. Nilaa azo ti Israel awara lege ti sigigi na gbe ti maboko ti azo ti Sirii si ala lingbi ti duti na siriri na ya ti ada ti ala tongana ti kozo.

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Abia (Psaumes) 140:2

*KOTA GBIA, zi mbi na maboko ti zo ti sarango sioni; bata mbi si zo ti sarango ngangu na azo asara ngangu na mbi pepe.

Abia (Psaumes) 2:1

Ngbanga ti nyen si amara nde ayeke sara wusuwusu so? Ngbanga ti nyen si azo ti amara ayeke leke tënë na popo ti ala senge senge so?

Abia (Psaumes) 62:3

Biani, lo oko laa lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa oko pepe.

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Amato 3:11

Molenge ti mbi, tongana KOTA GBIA agboto mê ti mo, mo ke pepe; tongana lo suku na mo, mo baa ni tongana mbumbuse ye pepe.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Nahum 1:9

Ala azo, nyen laa ala yeke leke na be ti ala na tere ti *KOTA GBIA so nyen? Lo yeke hunzi awato ti ala kue si mbeni ye ti ngangu ayeke kiri ti si na ala, azo ti Juda pepe.

Awatokua 4:25

Na lege ti Yingo-Vuru, mo zia tënë ti mo na yanga ti kotara ti e David, zo ti kua ti mo si lo tene: ‘Ngbanga ti nyen si amara nde ayeke sara wusuwusu so? Ngbanga ti nyen si azo ti amara ayeke leke tënë na popo ti ala senge senge so?

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!