Osée 7:12 - Mbeti ti Nzapa - Tënë so amu fini

¹² Na ndembe so ala yeke kpe ti gue, mbi bi gbanda ti mbi na ndö ti ala, mbi bi ala na sese tongana andeke ti nduzu; mbi yeke pika ala tongana ti so mbi tene tënë ni na ala na ya ti bongbi ti ala so.

Osée 7:12 Iomraidhean Croise

Mbeti ti Job 19:6

Ayeke nzoni ala hinga atene, Nzapa laa asara mbana na mbi, lo laa lo gbu mbi na ya ti gbanda ti lo.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Ezekiel 12:13

Mbi KOTA GBIA, mbi yeke bi gbanda ti mbi na ndö ti lo si lo yeke ti na ya ti kuku ti mbi. Mbi yeke gue na lo na Babilone, na sese ti azo ti Kalde. Me lo yeke baa sese ni pepe si lo kui kâ.

Ezekiel 17:20

Mbi yeke bi gbanda ti mbi na ndö ti lo, mbi yeke sara titene lo ti na ya ti kuku ti mbi. Mbi yeke gue na lo na Babilone; kâ, mbi yeke fâ ngbanga na li ti lo ndali ti asioni so lo sara ti ke mbi.

Ezekiel 32:3

Tënë so Kota Gbia NZAPA atene ayeke so: Na ndembe so gba ti amara ayeke bongbi, mbi yeke bi gbanda ti mbi na ndö ti mo si ala yeke gboto mo na ya ti gbanda ni.

Osée 5:9

Na lango ti fango ngbanga, fade kodro ti Efraim ayeke buba kue. Tënë so mbi yeke tene na azo ti mara ti Israel so, tënë ni ayeke taa-tënë.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!