Osée 6:7 - Mbeti ti Nzapa - Tënë so amu fini

⁷ “Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Osée 6:7 Iomraidhean Croise

Tongo nda ti aye 3:11

Nzapa ahunda lo, atene: “Zo wa laa afa na mo atene, tere ti mo ayeke senge? Mo te le ti keke so mbi mu yanga na mo ti te ni pepe so?”

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Mbeti ti Job 31:33

Azo mingi ayeke honde sioni ti ala si ala yeke bata ni na hondengo ni na ya ti be ti ala. Mbi sara tongana ti ala?

Ésaïe 24:16

Na nda ti sese kâ, e yeke ma bia so: “Gonda na Nzapa so ayeke mbirimbiri!” Ti mbi, mbi tene: “Ti mbi ahunzi awe! Ti mbi ahunzi awe! So mawa na mbi!” Azo ti kango zo ayeke sara kua ti ala. Ala yeke ka amba ti ala! Azo ti kango zo ayeke sara kua ti ala.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 48:8

Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Jérémie 3:7

Mbi tene na be ti mbi, mbi tene: Na peko ti aye so kue lo sara, gbaa fade lo yeke kiri na mbi; me lo kiri pepe. Ita ti lo ti wali Juda-wali-gbanambana abaa na le ti lo ye so kue.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 34:18

“Azo so abuba ya ti mbuki ti mbi na ala awe, mbuki so lani ala sara na dawa ti mbi, na lege ti kete bagara so ala suru ya ti lo use si ala hon na popo ti nyama ni so. Azo ni ake ti sara ye alingbi na atënë ti ya ti mbuki ni awe. Nilaa fade mbi yeke sara na ala gi mara ti ye so ala sara na kete bagara ni so.

Jérémie 5:11

Azo ti Israel na azo ti Juda ahanda mbi biani awe”; so tënë ti yanga ti KOTA GBIA laa.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Rome 5:14

Andaa, ti londo na Adam ngbii asi na Moïse, kuâ ayeke na ngangu na ndö ti azo kue, ataa siokpari so ala sara ayeke legeoko na siokpari ti Adam pepe. Adam ayeke limo ti zo so ayeke ga ande.

Ndia ti fani use ni 31:20

Biani, mbi yeke sara titene azo so ali na *sese so ngu ti me ti bagara na mafuta ti wotoro asi singo daa; sese so mbi deba yanga ti mbi ando ti mu na akotara ti ala. Fade ala yeke te kobe alingbi na ala si ala yeke kono mingi; na pekoni, ala yeke kiri na mbage ti anzapa nde, ala yeke voro ala. Ala yeke baa mbi tongana senge ye na le ti ala, ala yeke buba ya ti mbuki ti mbi na ala.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.