Osée 6:6 - Mbeti ti Nzapa - Tënë so amu fini

⁶ Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Osée 6:6 Iomraidhean Croise

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Abia (Psaumes) 50:8

Asandaga so ala yeke mu na mbi so, ndali ni laa mbi bi tënë na li ti ala pepe; asandaga so a yeke gbi ni kue na wâ so, ala ngba ti mu ni lakue na mbi.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Zo ti bongbingo azo 5:1

Yanga ti mo ayapu na tenengo tënë hio hio pepe. Mo do tere ti mo ti mu zendo na Nzapa pepe, ngbanga ti so Nzapa ayeke na yayu si mo yeke ti mo na sese. Tongaso, ayeke nzoni mo diko gba ti atënë pepe.

Ésaïe 1:11

KOTA GBIA atene: “Gba ti *asandaga ti ala so, mbi yeke sara na ni nyen? Akoli-taba so ala mu na sandaga so a yeke gbi ni kue na wâ nga na mafuta ti akete bagara afun sen awe. Mene ti akoli-bagara, ti ataba na ti akoli-ngasa anzere na be ti mbi oko pepe.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Jérémie 22:16

Zo ti mawa na wayere, lo fâ ngbanga ti ala na legeni; so asara si lo baa nzoni mingi. So tënë ti yanga ti KOTA GBIA laa.

Jérémie 7:22

Lani so mbi mu akotara ti ala na sese ti Ezipte mbi sigigi na ala so, mbi tene tënë na ala tongaso pepe. Mbi mu yanga na ala titene ala mu na mbi sandaga ti nyama so a yeke gbi ni kue na wâ, wala asandaga nde nde pepe.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Osée 2:20

Na lango ni so, ndali ti azo ti mbi, fade mbi yeke sara mbuki na anyama ti ngonda, andeke ti nduzu, anyama so ayeke hara harango na sese. Mbi yeke zi kokora, yongoro zeme na aye ti bira na ya ti kodro ni; mbi yeke sara titene azo ti kodro ni alango kpoo.

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Amos 5:21

*KOTA GBIA atene: “Amatanga ti ala so ala yeke sara so, mbi ke ni, mbi ye ti baa ni mbeni pepe; abongbi ti ala, mbi lingbi ti kanga be ti mbi na ni mbeni pepe.

Mishe 6:6

“Fade mbi yeke gue na nyen na *KOTA GBIA, Nzapa ti nduzu tongana mbi kuku na gbe ti lo ti voro lo? Mbi mu *sandaga so agbi ni kue na wâ si mbi gue na ni na gbe ti lo? Mbi mu bagara ti ngu oko si mbi gue na ni?

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Matthieu 12:7

Tongana ala hinga fade nda ti tënë so Mbeti ti Nzapa atene: ‘Mbi ye si zo abaa mawa ti mba ti lo, me mbi ke tënë ti sandaga ti anyama’, ka ala lingbi pepe ti fâ ngbanga na li ti azo so asara sioni pepe so.

Matthieu 5:7

Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Marc 12:33

Ayeke nzoni zo aye Nzapa na be ti lo kue, na ndara ti lo kue nga na ngangu ti lo kue. Ayeke nzoni lo ye nga mba ti lo zo tongana ti so lo ye tere ti lo wani. So laa ayeke nzoni ahon asandaga ti anyama so a yeke gbi ni kue na wâ, wala asandaga nde nde so azo ayeke mu na Nzapa.”

Josué 5:5

Azo so kue alondo na Ezipte si asigigi, ala fâ ganza awe; me ala so a du ala na benyama, na lege, na ndembe ti sigingo ti ala na Ezipte, ade ala fâ ganza pepe.

1 Jean 2:3

Tongana e yeke sara ye alingbi na andia ti Nzapa, so afa atene, e hinga Nzapa biani.

1 Jean 3:6

Tongaso, zo so kue aduti oko na lo, zo ni azia lege ti sarango siokpari awe; zo so kue angba ti sara siokpari, lo de ti baa Christ wala ti hinga lo pepe.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.