Osée 6:5 - Mbeti ti Nzapa - Tënë so amu fini

⁵ Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Osée 6:5 Iomraidhean Croise

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

1 Agbia 14:6

Gi so wayanga-Nzapa Ahia ama toto ti gere ti wali ni na lingo ti lo na ya ti da, lo tene: “Wali ti Yeroboam, mo li ma! Ngbanga ti nyen si mo tara ti sara titene azo abaa mo tongana mbeni wali nde so? Mbi yeke na mbeni sioni sango ndali ti mo.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 18:17

Gi so Akab abaa Élie, lo tene na Élie: “Mo laa mo ga na kpale na ndö ti azo ti Israel so pepe?”

1 Agbia 19:17

Zo so kue ayeke kpe na maboko ti Hazael, fade Yehu ayeke fâ lo. Zo so kue ayeke kpe na maboko ti Yehu, fade Élisée ayeke fâ lo.

2 Agbia 1:16

Élie atene na gbia: “Tënë so KOTA GBIA atene ayeke so: ‘So mo tokua azo ti hunda Baal-Zebub, nzapa ti gbata ti Ekron so, ti mo, mo baa mo tene, Nzapa ayeke na Israel pepe titene azo ahunda lo? Ndali ti ye so mo sara so, gbogbo so mo lango daa so, fade mo yeke londo na ndö ni pepe. Mo yeke kui biani!’ ”

2 Mbai 21:12

Yoram awara mbeni mbeti so wayanga-Nzapa Élie atokua na lo; tënë ti ya ti mbeti ni atene: “Tënë so KOTA GBIA, Nzapa ti babâ ti mo David atene ayeke so: Mo sara ye tongana ti babâ ti mo Yosafat pepe wala tongana ti kotara ti mo Asa, gbia ti Juda pepe.

Mbeti ti Job 15:30

Fade lo yeke sigigi na ya ti vukongo ndo pepe, lo yeke ga tongana mbeni keke so wâ ahole maboko ni; pupu ti yanga ti Nzapa ayeke mu lo ti hon na lo yongoro.

Mbeti ti Job 34:10

Ala azo so ahinga ndo so, ala ma mbi si! Nzapa alingbi ti sara sioni ye? Lo so ngangu ti lo ahon angangu kue so, lo lingbi ti sara sioni? Oko pepe!

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Abia (Psaumes) 37:6

Tongana lumiere ti ndaperere, lo yeke fa polele mbirimbiri ti mo; tongana lâ ti bekombite, lo yeke fa polele so tënë ayeke na li ti mo pepe.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 1:18

Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Jérémie 13:13

fade mo yeke tene na ala: ‘Tënë so KOTA GBIA atene ayeke so: Mbi yeke mu vin na azo ti kodro ni, na agbia, *ahale ti David so aduti na ndö ti mbata ti lo ti gbia so; mbi yeke mu nga ni na awayango-sandaga, awayanga-Nzapa nga na azo ti Jérusalem kue titene ala nyon, ahon ndö ti ala.

Jérémie 23:29

Tënë ti mbi ayeke tongana wâ; so tënë ti yanga ti KOTA GBIA laa; tënë ni ayeke tongana ngangu martoo so ayeke suru ya ti kota têne!”

Jérémie 5:14

Ndani laa, tënë so KOTA GBIA Nzapa so ayeke na ndö ti dunia kue atene ayeke so: “Ndali ti atënë so ala tene, tënë so mbi zia na yanga ti mo ti tene, mbi yeke sara si aga tongana wâ; mbi yeke sara si azo so aga tongana keke so wâ ni ayeke gbi ni kue.

Ezekiel 11:4

Ndani laa, alingbi mo tene peko ti tënë ti yanga ti mbi na ndö ti ala. Molenge ti zo, tene peko ti tënë ti yanga ti mbi na ndö ti ala!”

Ezekiel 3:9

Mbi yeke sara si li ti mo akpengba tongana diaman, akpengba ahon têne. Mo sara mbeto ti ala pepe, tere ti mo ado na le ti ala nga pepe. Biani, ala yeke azo ti mara ti ngangu li.”

Ezekiel 32:18

“*Molenge ti zo, toto na ndö ti azo ti Ezipte so ayeke gbani gbani so. Ayeke nzoni bia ti mo ni asara si ala na azo ti amara nde azu na gbe ti sese, ala na ambeni so ayeke zu na ndo ti akuâ.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Sofonii 3:5

Andaa KOTA GBIA ayeke na ya ti gbata ni, lo yeke mbirimbiri, lo yeke sara ye ti sioni pepe. Lakue na ndaperere, lo yeke fâ ngbanga polele; lo zia lege ni pepe. Ataa so kue, kamene ayeke sara zo ti sioni pepe.

Awatokua 7:31

So Moïse abaa ye so, li ti lo akpe si lo gue nduru ti baa ye ni nzoni. Tongaso lo ma go ti *Kota Gbia, atene:

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Efeze 6:17

Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 2:16

Tongaso, mo zia ngbene lege ti sarango ye ti mo. Tongaso pepe, fade mbi yeke ga fafadeso ti tiri na azo so na yongoro zeme so ayeke sigigi na yanga ti mbi.

Aye so Nzapa afa 9:15

A zi a-ange so; ala leke tere ti ala awe ti ku na ngu, na nze, na lango, na ngbonga ti fango azo ti dunia; na popo ti azo ota, ala yeke fâ zo oko.

Aye so Nzapa afa 9:21

Azo ni azia nga lege ti fango zo, guengo na gbe ti yoro, sarango aye ti ndumba wala nzi pepe.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.

1 Samuel 15:32

Na pekoni, Samuel atene: “Ala ga na mbi Agag, gbia ti Amalek.” Agag ni ayeke gue na tere ti Samuel, ngia na yanga ti lo. Lo yeke tene na be ti lo, lo tene: “Biani, ngoi ti mbeto ti kuâ ahon awe.”

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.