Osée 6:1 - Mbeti ti Nzapa - Tënë so amu fini

¹ Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Osée 6:1 Iomraidhean Croise

2 Mbai 30:6

Awatokua amu ambeti so gbia na amakonzi ti lo asu so si ala gue na ni na sese ti Israel kue nga na ti Juda. Na lege ti yanga so gbia amu, ala tene: “Ala azo ti Israel, ala so akpe na maboko ti azo ti Asirii so, ala kiri na mbage ti KOTA GBIA, Nzapa ti Abraham, ti Isaac na ti Jacob si fade lo kiri na mbage ti ala.

Mbeti ti Job 16:9

Na ya ti ngonzo ti lo, Nzapa ayeke tumba peko ti mbi si lo suru ya ti mbi, lo yeke te pembe na tere ti mbi; lo ga wato ti mbi, le ti lo ayeke kpo mbi tongana le ti kokora.

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Abia (Psaumes) 30:7

Na ndembe so mbi duti kpoo, mbi tene: “Mbeni ye ti yingi mbi ayeke daa pepe.”

Abia (Psaumes) 6:2

*KOTA GBIA, mo sara ngonzo na tere ti mbi awe, me ayeke nzoni mo fâ ngbanga na li ti mbi pepe! Be ti mo aso na mbi awe, me ayeke nzoni mo pika mbi pepe!

Abia (Psaumes) 71:20

Mo so mo sara si aye ti ngangu na aye ti vundu mingi asi na mbi, me fade mo yeke kiri ti mu na mbi fini; mo yeke kiri ti zi mbi na ya ti kota du so ali mingi ti sigigi na mbi.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Ésaïe 17:7

Na lango ni so, azo ayeke baa ndo na mbage ti lo so lo sara ala, ala yeke yo le ti ala na nduzu na mbage ti Nzapa ti Israel so ayeke nde si ayeke nzoni kue.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 30:12

So tënë ti yanga ti KOTA GBIA laa: “Ka ti mo ayeke so mingi, ka ni ayeke mu oko pepe!

Jérémie 30:17

Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Jérémie 33:5

Ambeni zo ayeke baa pasi senge ti gue ti tiri bira na azo ti Babilone; ala yeke sara gi titene ya ti ada so ayeke si singo na kuâ ti azo so mbi yeke fâ ala na lege ti ngonzo ti mbi nga na ngonzo ti mbi ti wâ. Mbi yeke honde le ti mbi na azo ti gbata so ndali ti sioni so kue ala sara.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Jérémie 50:4

Na lango ni so, na ngoi ni kâ, azo ti Israel na azo ti Juda ayeke londo legeoko ti kiri; so tënë ti yanga ti KOTA GBIA laa. Na toto na yanga ti ala, ala yeke tambula ti ga ti gi peko ti mbi, KOTA GBIA Nzapa ti ala.

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Abia ti demango tere 3:11

Lo kanga lege na mbi na ya ti aye kue, lo nika mbi nikango; lo sara si mbi ga tongana zo so mbeni ye ti lo oko ayeke daa pepe.

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 12:6

KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 14:4

Asirii alingbi ti soo e na kuâ pepe. Fade e yeke kiri ti ko na ndö ti mbarata ti bira pepe; ayanda so e sara na maboko ti e so, e yeke kiri ti iri ala ‘Nzapa ti e’ pepe. Gi mo Nzapa oko laa, mo yeke baa mawa ti nyindu.”

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Awayango-sandaga 14:48

“Me na peko ti so a mu fini potopoto, a bo na tere ti da ni, fade wayango-sandaga ayeke kiri ti baa tere ti da ni. Tongana lo baa so ye so asigigi kozo so amu tere ti da ni kue pepe, lo yeke fa atene, da ni aga *nzoni, ngbanga ti so sioni gugu ni ahon awe.

Sofonii 2:1

Ala azo ti mara so kamene ayeke sara ala pepe so, ala bongbi tere ti ala, ala gbu li ti ala

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

1 Samuel 2:6

KOTA GBIA laa ayeke sara si zo akui, lo laa lo yeke sara si zo akiri na fini. KOTA GBIA laa ayeke sara si zo azu na ndo ti akuâ, lo laa lo yeke sara si zo asigigi na ndo ti akuâ.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”