Osée 5:9 - Mbeti ti Nzapa - Tënë so amu fini

⁹ Na lango ti fango ngbanga, fade kodro ti Efraim ayeke buba kue. Tënë so mbi yeke tene na azo ti mara ti Israel so, tënë ni ayeke taa-tënë.

Osée 5:9 Iomraidhean Croise

Mbeti ti Job 12:14

Tongana Nzapa abuba ye, zo oko ti kiri ti leke ni ayeke daa pepe; tongana lo bi mbeni zo na da ti kanga, zo oko ti zi lo ayeke daa pepe.

Ésaïe 37:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 48:3

“Akozo ye so asi awe so, mbi fa tënë ni na ala ngbene ye giriri. Tënë ni asigigi na yanga ti mbi, mbi tene tënë ni, ala ma awe. Mo ye ti baa, mbi sara mbeni ye si aye ni asi.

Ésaïe 48:5

Ndani laa mbi fa na ala tënë ti aye so ngbene ye giriri. Mbi tene tënë ni na ala kozo si aye ni asi, tongaso si ala tene pepe: ‘Yanda ti mbi laa asara ye ni, nzapa ti mbi so a leke lo na keke, wala na bengba wen laa amu yanga si ye ni abaa gigi.’

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Osée 5:12

Mbi, fade mbi yeke duti tongana fungo ka ndali ti Efraim, mbi yeke duti tongana ka ti sanzo ndali ti azo ti Juda.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Osée 7:12

Na ndembe so ala yeke kpe ti gue, mbi bi gbanda ti mbi na ndö ti ala, mbi bi ala na sese tongana andeke ti nduzu; mbi yeke pika ala tongana ti so mbi tene tënë ni na ala na ya ti bongbi ti ala so.

Osée 8:8

“A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Mishe 6:13

Ndani laa, mbi pika ala sioni sioni si ala ti na kobela; mbi buba aye ti ala kue ndali ti asiokpari ti ala.

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Jean 16:4

Me mbi tene tënë so na ala titene, tongana ngbonga ni alingbi awe, ala dabe ti ala na tënë so mbi tene na ala.” “Mbi tene tënë so na ala kozoni pepe, ngbanga ti so mbi yeke na tere ti ala.