Osée 5:10 - Mbeti ti Nzapa - Tënë so amu fini

¹⁰ Amakonzi ti Juda ayeke tongana azo so ayeke nzi katikati ti sese ti amba ti ala. Fade mbi yeke tuku ngonzo ti mbi na ndö ti ala tongana kota ngu.

Osée 5:10 Iomraidhean Croise

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Abia (Psaumes) 69:24

Ayeke nzoni le ti ala avuko si ala kiri abaa ndo pepe! Mo sara si peko ti ala aba bango lakue!

Abia (Psaumes) 88:17

Ngonzo ti mo ti wâ ahon na ndö ti mbi, mbeto so mo zia na be ti mbi apete mbi na sese.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 22:28

Atêne so akotara ti mo alu ando ti sara na maka ti yaka, mo zi ni ti pusu na dawa pepe.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ezekiel 22:22

Tongana ti so wen ayeke ga ngu na le ti wâ, fade ala yeke ga ngu taa na be ti Jérusalem. Tongaso, fade ala yeke hinga atene, mbi laa mbi yeke KOTA GBIA so mbi tuku ngonzo ti mbi ti wâ na ndö ti ala.”

Ezekiel 7:8

Fadeso, fafadeso, mbi yeke tuku ngonzo ti mbi ti wâ na ndö ti ala; mbi yeke tuku ngonzo ti mbi na ndö ti ala ngbii be ti mbi ade si. Mbi yeke fâ ngbanga na li ti ala alingbi na sarango ye ti ala. Asioni ye so ala sara si zo alingbi ti baa na le ti lo fani use pepe so, mbi yeke futa ala alingbi na ni.

Matthieu 7:27

Ngu-Nzapa apika, ngu asuku amu ndo kue, pupu aya ngangu na ndö ti da ni si da ni akungbi ati gburrr!”

Nzoni Tënë so Luc asu na mbeti 6:49

Me zo so ama atënë ti mbi si lo sara ye alingbi na ni pepe, lo yeke tongana zo so asara da na ndö ti senge sese, gere ti da ni ayeke daa pepe. Ngu asua ngangu, apika tere ti da ni si gi hio tongaso, da ni akungbi, ati si abuba kue.”

Ndia ti fani use ni 19:14

Moïse atene: Ala azo ti Israel, na kodro so *KOTA GBIA Nzapa ti ala ayeke mu na ala titene aga ti ala, fade ala yeke wara asese. Atêne so azo so aga kozoni alu ti fa maka ti sese ti ala na ti azo so ayeke nduru na ala, alingbi ala zi ni ti pusu na dawa pepe.

Ndia ti fani use ni 27:17

‘Deba aga na ndö ti zo so apusu na dawa maka ti sese ti zo so ayeke nduru na lo!’ Fade azo kue ayeke kiri tënë, atene: ‘Amen!’