Osée 5:1 - Mbeti ti Nzapa - Tënë so amu fini

¹ *KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Osée 5:1 Iomraidhean Croise

Jérémie 11:7

Biani, mbi gboto mê ti akotara ti ala na ndö ni, ti londo na ndembe so mbi sara si ala sigigi na sese ti Ezipte, ngbii asi laso; mbi mu ngoi ti mbi kue ti gboto mê ti ala na ndö ni si mbi kiri mbi tene: Ala ma tënë ti mbi.

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Osée 10:15

Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 6:9

Tongana ti so *azaragina ayeke ku na lege, mbeni bongbi ti awayango-sandaga ayeke fâ azo na lege so ague na Sishem. Baa aye ti sioni mingi so ala yeke sara laa!

Osée 9:8

Zo so ayeke sara sanziri ti azo ti Efraim ayeke mbi wayanga-Nzapa. Mbi yeke nduru na Nzapa ti mbi. Me azo ayeke zia kuku ti gbu na mbi na ndö ti alege so kue mbi yeke hon daa. Ataa na ya ti da ti Nzapa ti mbi, ala yeke sara ngangu na mbi.

Joël 1:2

Ala *akangba, ala ma tënë so! Ala azo so alango na Juda, ala zi mê ti ala, ala ma tënë so si! Mara ti ye tongaso asi na ngoi ti ala, wala na ngoi ti akotara ti ala awe?

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Malashii 2:1

Fadeso, ala awayango-sandaga, tënë ti gbotongo mê so ayeke ndali ti ala.

Awafango-ngbanga 4:12

Sisra ama a tene, Barak, molenge ti Abinoam, asi na hoto ti Tabor awe.

Awafango-ngbanga 4:6

Mbeni lâ, Debora atokua ti iri Barak, molenge ti Abinoam. Barak ayeke na kodro ti Kedesh na sese ti Neftali. Debora atene na lo: “KOTA GBIA, Nzapa ti Israel amu yanga atene, mo londo, mo gue, mo mu akoli saki baleoko na popo ti azo ti mara ti Neftali na ti Zabulon, mo gue na ala na ndö ti hoto ti Tabor.

1 Samuel 7:16

Na ya ti ngu oko oko, lo yeke gue na Betel, na Gilgal nga na Mispa ti fâ ngbanga ti azo ti Israel na ando so kue.

1 Samuel 7:5

Samuel atene: “Ala bongbi azo ti Israel kue na Mispa. Fade mbi yeke sambela KOTA GBIA ndali ti ala.”

1 Samuel 7:6

Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.