Osée 4:8 - Mbeti ti Nzapa - Tënë so amu fini

⁸ Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Osée 4:8 Iomraidhean Croise

2 Agbia 12:16

Azo so a mu nginza ni na ala ti futa na azo ti kua ni, zo oko ahunda ala pepe titene ala fa peko ti nginza ni, ngbanga ti so ala sara ye na taa legeni na nginza ni.

Abia (Psaumes) 24:4

Zo so maboko ti lo asara sioni oko pepe, zo so be ti lo avuru, zo so adeba yanga ti lo na tënë ti mvene pepe, zo so adeba yanga ti lo ti handa azo pepe.

Abia (Psaumes) 25:1

Bia ti David. *KOTA GBIA, mbi baa ndo gi na mo.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ezekiel 14:3

“*Molenge ti zo, azo so aleke ndo na be ti ala ndali ti ayanda ti ala; le ti ala angba gi na ndö ti ye so ayeke sara si ala ti na ya ti siokpari. Fade mbi yeke zia lege na ala titene ala hunda mbi na mbeni tënë?

Ezekiel 14:7

“Tongana mbeni zo ti Israel wala mbeni wande so asara kodro na Israel ague yongoro na mbi, tongana lo leke ndo na be ti lo ndali ti ayanda ti lo, tongana le ti lo angba gi na ndö ti ye so ayeke sara si lo ti si lo sara sioni, zo tongaso, tongana lo ga ti baa wayanga-Nzapa na tënë ti lo, taa mbi wani, KOTA GBIA laa, mbi yeke kiri tënë na lo.

Osée 10:13

Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.

Osée 12:8

KOTA GBIA atene: “Efraim, mo yeke tongana azo ti Kanaan; mo gbu na maboko ti mo mbeni kilo ti handango na azo; mo ye sarango ye ti nzi.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Awayango-sandaga 6:22

Akoli so kue ayeke azo ti ya ti sewa ti awayango-sandaga laa alingbi ti te nyama ni: so ayeke mbeni sandaga so ayeke nde si ayeke nzoni kue ahon atanga ni.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

1 Samuel 2:29

Ngbanga ti nyen laa mo na amolenge ti mo ayeke baa sandaga ti mbi na ye so mbi mu yanga si azo aga na ni na ya ti da ti mbi, tongana mbeni buba ye na le ti ala so? Ngbanga ti nyen laa mo ne amolenge ti mo ahon mbi? Azo ti mbi so ayeke azo ti Israel aga na mbi anzoni ye ti mu na sandaga. Ngbanga ti nyen laa mo na amolenge ti mo ayeke te ni si ala yeke kono na ni so?