Osée 4:5 - Mbeti ti Nzapa - Tënë so amu fini

⁵ Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Osée 4:5 Iomraidhean Croise

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 23:9

Tënë na ndö ti awayanga-Nzapa: Be ti mbi afâ na ya ni kâ, tere ti mbi kue ayeke do. Mbi yeke tongana zo so anyon samba ahon ndö ti lo ngangu mingi. Aye so kue asi na mbi ndali ti *KOTA GBIA nga ndali ti atënë ti lo so ayeke nde si ayeke nzoni kue. Lo tene:

Jérémie 50:12

Kamene ahon ndö ti mama ti ala awe; lo so lo du ala so, lo ti buba awe. Fadeso lo ga ndangba ti amara kue, kodro ni aga benyama, aga kuru sese, lando so ahole kasakasa.”

Ezekiel 14:3

“*Molenge ti zo, azo so aleke ndo na be ti ala ndali ti ayanda ti ala; le ti ala angba gi na ndö ti ye so ayeke sara si ala ti na ya ti siokpari. Fade mbi yeke zia lege na ala titene ala hunda mbi na mbeni tënë?

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Galasii 4:26

Me Jérusalem ti yayu ayeke na gbe ti ngbaa pepe; Jérusalem so laa ayeke mama ti e.