Osée 4:2 - Mbeti ti Nzapa - Tënë so amu fini

² Ye so ahon ndoni na ya ti kodro ni ayeke dengo ba ti mvene, handango zo, fango zo, nzi, gingo wali wala gingo koli ti zo, tukungo mene na peko ti tere, na peko ti tere.

Osée 4:2 Iomraidhean Croise

Tongo nda ti aye 4:8

Tongaso Kain atene na ita ti lo Abel: “E gue na yaka.” Kâ na yaka ni, lo ti na ndö ti ita ti lo Abel si lo fâ lo.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 48:1

Ala azo ti Jacob, ala ma! Ala so iri ti Israel ayeke na ndö ti ala, ala so a du ala na Juda, ala ma! Ala yeke deba yanga ti ala na iri ti *KOTA GBIA, ala yeke sepela Nzapa ti Israel, me na lege ti taa-tënë pepe nga na lege ti mbirimbiri pepe.

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Jérémie 6:7

Sioni ti lo ayeke sigigi tongana ngu so ayeke sigigi na li ti ngu. Na ya ti gbata ni kue, zo ayeke ma gi tënë ti sarango ngangu na zo nga na tënë ti bubango ye. Lakue, mbi yeke baa gi songo tere na aka.

Abia ti demango tere 4:13

Me akpale so ati na ya ti kodro ni, ngbanga ti so awayanga-Nzapa asara siokpari, awayango-sandaga asara sioni mingi: ala tuku mene ti azo ti mbirimbiri ti gbata ni. Nilaa, akpale so ati na ya ti kodro ni.

Ezekiel 7:23

Mo leke azingiri ti wen, ngbanga ti so fango zo asi singo na ya ti kodro ni, sarango ngangu na zo asi singo na ya ti gbata ni.

Osée 10:13

Me ala lu ye ti sioni si ala ko ye ti sioni so ahon ndoni awe; ala te lengo ti mvene. “Israel, mo zia be ti mo na ndö ti ngangu ti mo wani nga na ndö ti gba ti angangu zo ti bira ti mo.

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Osée 12:14

Me na lege ti mbeni wayanga-Nzapa, KOTA GBIA amu Israel na kodro ti Ezipte asigigi na lo; na lege ti mbeni wayanga-Nzapa laa KOTA GBIA abata lo.

Osée 5:2

na Shitim, ala ga tongana du so ali mingi. Ti mbi, mbi yeke pika ala kue.

Osée 6:8

Galaad ayeke mbeni gbata ti azo ti sarango sioni, mene asi singo na ya ni.

Osée 6:9

Tongana ti so *azaragina ayeke ku na lege, mbeni bongbi ti awayango-sandaga ayeke fâ azo na lege so ague na Sishem. Baa aye ti sioni mingi so ala yeke sara laa!

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Osée 7:3

Ala yeke zia ngia na be ti gbia, andaa ala yeke asioni zo; ala yeke zia ngia na be ti amakonzi, andaa ala yeke azo ti mvene.

Osée 7:4

Ala kue ayeke gi wali ti zo wala koli ti zo; ala yeke tongana fur so amu wâ ahon ndoni, so zo ti zongo mapa azia ti leke wâ ni na ndembe so lo pika ya ti farini ngbii farini ni alondo si.

Mishe 3:2

Me be ti ala ake ti sara ye ti nzoni, ala ye gi ti sara ye ti sioni. Ala yeke zi poro ti tere ti azo nga na kasa ti tere ti azo ni kue na ndö ti abio ni.”

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Mishe 6:10

Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Sofonii 3:1

Mawa na gbata ti ngangu li so, gbata so *sioni ayeke na tere ti lo so, gbata ti sarango ngangu na azo so!

Zakarii 5:3

Tongaso lo tene na mbi: “Mbeti ni ayeke mbeti ti dengo ba so mbi yeke tokua na ndö ti kodro ni kue. Na le ti mbeti ni, na mbeni mbage ni oko, a su atene: fade a yeke tumba azo ti nzi kue na ya ti kodro ni; na le ti mbeni mbage ti buku ni, a su nga atene: fade a yeke tumba azo so kue ayeke deba ti mvene.

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Matthieu 23:35

Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Ndia ti fani use ni 5:11

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Ndia ti fani use ni 5:18

“Alingbi mo gi wali wala koli ti zo pepe.

Ndia ti fani use ni 5:19

“Alingbi mo nzi pepe.

1 Tesalonike 2:15

Azuife laa afâ *Kota Gbia Jésus na awayanga-Nzapa, ala sara nga ngangu na e. Ala yeke sara ye so azia ngia na be ti Nzapa pepe, ala yeke awato ti azo kue!

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.