Osée 4:19 - Mbeti ti Nzapa - Tënë so amu fini

¹⁹ Fade pupu ayeke rule ala ti hon na ala si kamene ayeke sara ala ndali ti asandaga so ala yeke mu ni so.

Osée 4:19 Iomraidhean Croise

Ésaïe 1:29

Biani, akeke so ala yeke voro ni si ala ye ni mingi so, fade kamene ayeke sara ala ndali ni. Apendere ndo so ala soro ti voro ayanda daa so, kamene ayeke gbu le ti ala ndali ni.

Ésaïe 42:17

Azo so azia be ti ala na ndö ti ayanda si ala yeke tene na anzapa so a kporo wen si a sara na ni, atene: ‘Ala laa ayeke anzapa ti e’, fade azo ni so ayeke kiri na peko, kamene ayeke hon ndö ti ala.”

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Osée 10:10

KOTA GBIA atene: “Fade mbi yeke pika ala tongana ti so be ti mbi aye; gba ti amara ayeke bongbi na ndö ti ala ti tiri bira na ala ndali ti asioni use so ala sara.

Osée 10:6

Fade a yeke mu nga kete bagara ni, a hon na lo na sese ti Asirii ti mu na kadoo na ne-ne gbia. Fade kamene ayeke gbu azo ti Efraim si kamene ayeke sara azo ti Israel ndali ti ye so ala leke na be ti ala ti sarango ni so.

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 13:15

Ataa Efraim awara anzoni ye mingi na popo ti a-ita ti lo, fade pupu ti To ayeke ga, pupu ti KOTA GBIA so alondo na benyama ayeke ga. Pupu ni ayeke sara si li ti ngu ayeke hole, du ti ngu ayeke hole kasakasa. Fade a yeke nzi anzoni ye so kue ayeke na ya ti da ti batango mosoro ti lo.