Osée 4:16 - Mbeti ti Nzapa - Tënë so amu fini

¹⁶ Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Osée 4:16 Iomraidhean Croise

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Ésaïe 22:18

si lo yeke tokua mo titene mo rule tongana ndembo na ya ti mbeni kodro so akono. Kâ, mo yeke kui ande, mo na apendere pusu ti mbarata ti mo kue, mo so mo yeke zia kota kamene na le ti makonzi ti mo!”

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 3:11

KOTA GBIA akiri atene na mbi: “Tongana a haka Israel-wali-pupulenge na Juda-wali-gbanambana, Israel alingbi ti baa tere ti lo atene, ni yeke mbirimbiri ni hon Juda.

Jérémie 3:6

Na ngoi ti gbia Yosias, *KOTA GBIA atene na mbi: “Mo baa ye so Israel-wali-pupulenge asara so? Lo gue na li ti ahoto so kue ayo na nduzu, lo si na gbe ti afini keke so kue kugbe ni ayeke gbani gbani ti sara aye ti ndumba kâ.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Osée 10:11

“Efraim ayeke tongana kete mama ti bagara so aleke lo nzoni si lo ye ti pika ale ti *ble. Tongana mbi baa konongo go ti lo, mbi ye fade ti kanga nengo keke na go ti Efraim; ka tongaso, Juda afâ ti lo yaka si Israel apika ti lo ya ti sese.

Osée 11:6

Ndani laa, fade bira ayeke londo ngangu na ya ti agbata ti ala, bira ni ayeke kungbi angbongboro wen so ala kanga na ayanga ti agbata ni; bira ni ayeke buba asioni ye so azo ni aleke na be ti ala ti sarango ni.

Osée 11:7

Azo ti mbi aleke be ti ala ti ke mbi biani biani; a iri ala titene ala londo na nduzu, me zo oko na popo ti ala alondo pepe.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Zakarii 7:11

Me azo ni ake ti ma tënë ni; ala sara ngangu li, ala kanga mê ti ala titene ala ma ndo pepe.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.