Osée 4:15 - Mbeti ti Nzapa - Tënë so amu fini

¹⁵ “Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 4:15 Iomraidhean Croise

2 Mbai 17:4

Me lo gi KOTA GBIA, Nzapa ti kotara ti lo, lo sara ye alingbi na atënë ti ndia ti Nzapa, lo sara ye tongana ti azo ti Israel pepe.

2 Mbai 21:11

Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

Ésaïe 48:1

Ala azo ti Jacob, ala ma! Ala so iri ti Israel ayeke na ndö ti ala, ala so a du ala na Juda, ala ma! Ala yeke deba yanga ti ala na iri ti *KOTA GBIA, ala yeke sepela Nzapa ti Israel, me na lege ti taa-tënë pepe nga na lege ti mbirimbiri pepe.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 12:11

Mbi tene tënë na awayanga-Nzapa, mbi sara si ala baa aye mingi na ya ti mbeni ye tongana bango-li. Na lege ti awayanga-Nzapa, mbi tene tënë na lege ti atoli.

Osée 12:12

Azo ti Galaad ayeke taa azo ti sarango sioni; mbeni zo ti ala akiri angba pepe. Na Gilgal, ala mu *sandaga ti akoli-bagara gbani gbani; me fadeso agbalaka ti ala ayeke tongana gba ti atêne na yaka.”

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 9:15

“Na Gilgal laa asioni ti ala kue asigigi polele; kâ laa be ti mbi ake ala. Ndali ti asioni sarango ye ti ala, fade mbi yeke tumba ala na da ti mbi, mbi yeke kiri ti ye ala pepe; amakonzi ti ala kue ayeke azo ti ngangu li.

Amos 4:4

“Ala azo ti Israel, ala gue na Betel, ala sara siokpari ma; ala gue na Gilgal, ala sara siokpari ahon ti kozo! Ala mu asandaga ti ala na ndaperere ma; lango ota na pekoni, ala mu adime ti aye ti ala!

Amos 5:5

Me ala gue, agi mbi na Betel pepe, ala li na Gilgal pepe, ala gue, asi kâ na Bersheba pepe. Biani, fade a yeke gbu azo ti Gilgal kue ti gue na ala na kodro wande si Betel, da ti Nzapa ayeke ga da ti ayanda.”

Amos 6:10

Tongaso, mbeni sewa oko ayeke mu akuâ ni na ya ti da ti gue ti gbi ni. Tongana mbeni zo angba na fini na ngbonda ti da ni kâ, sewa ni ayeke hunda lo, atene: “Mbeni zo ayeke na fini na tere ti mo kâ?” Zo ni ayeke kiri tënë: “Ên-en! Zo ayeke daa pepe.” Sewa ni ayeke kiri tënë, atene: “Kanga yanga ti mo! So ngoi ti dingo iri ti KOTA GBIA laa pepe!”

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Josué 5:9

Na pekoni KOTA GBIA atene na Josué: “Kamene so ala mu na Ezipte aga na ni so, laso, mbi yeke sara titene ahon yongoro na tere ti ala.” Ndani laa azo adi iri ti ndo ni so Gilgal; iri ni so angba ngbii asi laso.

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.