Osée 4:12 - Mbeti ti Nzapa - Tënë so amu fini

¹² Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Osée 4:12 Iomraidhean Croise

2 Agbia 17:7

Ye so asi na azo ti Israel, ngbanga ti so ala sara siokpari ti ke *KOTA GBIA, Nzapa ti ala, lo so lo zi ala na maboko ti Faraon, gbia ti Ezipte. Nzapa so laa asara si ala sigigi na kodro ni. Me ala voro ambeni nzapa nde.

2 Mbai 21:13

Me mo mu peko ti sarango ye ti agbia ti Israel. Mo pusu azo ti Jérusalem na azo ti Juda titene ala voro anzapa nde tongana ti so azo ti sewa ti Akab asara. Ataa a-ita ti mo so ala yeke amolenge ti babâ ti mo, ala so ayeke nzoni mingi ahon mo so, mo fâ ala.

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 23:13

“Na popo ti awayanga-Nzapa ti Samarii, mbi baa ye ti ziango ngonzo na be ti zo: ala tene peko ti tënë ti yanga ti *Baal, ala sara si Israel, azo ti mbi, ague kirikiri.

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.

Ezekiel 21:21

Yongoro zeme so yanga ni aza zango, kpo zo na mbage ti maboko ti koli! Kpo zo na mbage ti maboko ti wali! Mo kpo zo na ndo so kue le ti mo abaa ndo daa!

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 5:4

Sarango ye ti ala akanga lege na ala ti kiri na Nzapa ti ala, ngbanga ti so pupu ti sarango ye ti ndumba ayeke ya na popo ti ala si ala hinga KOTA GBIA pepe.

Osée 6:10

Na kodro ti Israel, mbi baa akota ye ti buba: kâ, Efraim ayeke sara ye ti ndumba si Israel aga *sioni ndali ni.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Awayango-sandaga 20:5

fade mbi wani, mbi yeke ga na tere ti zo ni nga na tere ti azo ti sewa ti lo. Lo na azo so kue amu peko ti lo ti voro Molek, mbi yeke tumba ala na popo ti azo ti Israel.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Habakuk 2:19

“Mawa na mo, mo so mo tene na nduru keke, mo tene: ‘Londo!’, wala mo tene na têne so ayeke buburu, mo tene: ‘Zingo!’ Têne ni ayeke fa ye na zo? Ataa a kanga lôro na wen ti nginza na tere ni, lo yeke na fini pepe.

Wungo ti azo 15:39

Tongana ala yeke baa akamba ti yanga ti bongo ti ala ni, fade ala yeke dabe ti ala na atënë ti yanga ti KOTA GBIA kue, ala yeke sara ye alingbi na ni; tongaso si be ti ala wala le ti ala ahanda ala pepe ti voro ayanda.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Awafango-ngbanga 18:5

Ala tene na lo: “Hunda Nzapa titene e hinga, wala tambula so e yeke gue so ayeke ga nzoni.”