Osée 3:5 - Mbeti ti Nzapa - Tënë so amu fini

⁵ Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Osée 3:5 Iomraidhean Croise

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

Ésaïe 17:7

Na lango ni so, azo ayeke baa ndo na mbage ti lo so lo sara ala, ala yeke yo le ti ala na nduzu na mbage ti Nzapa ti Israel so ayeke nde si ayeke nzoni kue.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Jérémie 33:17

Tënë so KOTA GBIA atene ayeke so: “Fade mbeni hale ti David ayeke duti daa lakue ti le-gbia na ndö ti azo ti Israel.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Wungo ti azo 24:14

Fadeso, mbi yeke kiri na kodro ti mbi. Ga, mbi fa na mo kozoni ye so azo ti Israel ayeke sara ande na azo ti kodro ti mo na ya ti alango so ayeke ga.”

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.