Osée 3:4 - Mbeti ti Nzapa - Tënë so amu fini

⁴ Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 3:4 Iomraidhean Croise

Tongo nda ti aye 31:19

Laban ague ti fâ kua ti tere ti anyama ti lo. Na ndembe ni so, Rachel ague, anzi anzapa ti da ti babâ ti lo.

Tongo nda ti aye 31:34

Andaa Rachel amu fade anzapa ni, lo honde ala na ya ti du ti mbata ti dutingo na ndö ti zambala si lo duti na ndö ni. Laban agi ya ti da ti bongo ni kue, me lo wara ye oko pepe.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

2 Agbia 23:24

Yosias aye ti sara ye alingbi na atënë ti *Ndia so a su na ya ti buku so kota wayango-sandaga Hilkia awara na ya ti kota da ti *KOTA GBIA na Jérusalem. Nilaa lo tumba na sese ti Juda nga na Jérusalem azo so ayeke hunda ayingo ti akuâ. Lo buba ayanda nde nde so azo ayeke voro nga na afungo nzapa so kue zo abaa na Jérusalem nga na sese ti Juda.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 28:6

“Fade azo ti sarango ye na kode ayeke fu *efod ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ti efod ni na kamba so a sara na lôro.

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Ezekiel 19:14

Me mbeni wâ asigigi na gere ti vinye ni, wâ ni agbi amaboko na ale ni kue. Akpengbango maboko ni so alingbi fade ti duti keke ti komandema ti gbia, ayeke daa mbeni pepe.” Bia so, a yeke he ni tongana bia ti totongo kuâ.

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.

Ezekiel 21:21

Yongoro zeme so yanga ni aza zango, kpo zo na mbage ti maboko ti koli! Kpo zo na mbage ti maboko ti wali! Mo kpo zo na ndo so kue le ti mo abaa ndo daa!

Ezekiel 21:31

Tënë so mbi Kota Gbia NZAPA, mbi tene ayeke so: Fade a yeke zi bongo so a yeke kanga na li ti mo tongana kpoto, a yeke zi kpoto ti mo ti gbia. Ye kue ayeke ga nde! Asenge zo ayeke duti na kota ndo, akota zo ayeke ga asenge zo.

Daniel 11:31

Aturugu so lo tokua ala ayeke gue ti luti na tere ti ngangu gbagba so ayeke na tere ti ndo so a zia ni nde ndali ti Nzapa ti sara si ndo ni aga sioni. Asandaga so azo ayeke mu na Nzapa na ya ti lango oko oko, aturugu so ayeke kanga lege ni. Ala yeke zia na ndö ti gbalaka Sioni-kpale-ti-bubango-ndo-kue

Daniel 12:11

Ti londo na ngoi so a yeke kanga lege ti mungo asandaga ti lango oko oko na Nzapa nga na ngoi so ala yeke zia na ndö ti gbalaka Sioni-kpale-ti-bubango-ndo-kue, lango saki oko ngbangbo use na balegumbaya ayeke hon.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Osée 13:10

Tongaso, gbia ti mo ni ayeke na ndo wa titene lo soo mo na kuâ? Na ya ti agbata ti mo kue, azo ti li ni ayeke na ndo wa, ala so lani mo yeke tene tënë ti ala, mo tene: ‘Mu na mbi mbeni gbia na amakonzi’ so?

Osée 13:11

Na ya ti ngonzo ti mbi, mbi mu na mo mbeni gbia; na ya ti sioni ngonzo ti mbi, mbi zi lo na maboko ti mo.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Awayango-sandaga 8:7

Lo yu na Aaron yongoro bongo ti gbeni, lo kanga kamba na ndö ni, lo yu na lo kaba si lo zia *efod na ndö ni; lo kanga akamba ti efod na ndö ni.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

Ahebro 10:26

So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Awafango-ngbanga 17:5

Andaa Mika ayeke fade na mbeni ndo ti vorongo nzapa na da ti lo. Lo leke mbeni yanda ti da na aye nde nde ti vorongo na nzapa. Na pekoni, lo mu mbeni molenge ti lo ti koli si lo zia lo wayango-sandaga ti lo.

Awafango-ngbanga 18:14

Akoli oku so ague lani abembe ndo na ya ti gbata ti Laish so, ala mu tënë si ala tene na a-ita ti ala: “Ala hinga atene, na ya ti mbeni da so, yanda na aye nde nde ti sambelango nzapa nga na yanda so a kporo wen ti nginza si a sara na ni ayeke daa? Fadeso ala baa ye so ala lingbi ti sara.”

Awafango-ngbanga 8:27

Gédéon amu lôro so, lo leke na mbeni yanda si lo zia na Ofra, gbata ti lo. Azo ti Israel kue ayeke gue ti voro yanda ni. Tongaso yanda ni aga kuku ti gbungo Gédéon na asewa ti lo.

1 Samuel 14:3

Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”

1 Samuel 2:18

Me Samuel, so ade molenge ayeke sara kua na le ti Kota Gbia. Lo yu *efod so a sara na *len.

1 Samuel 21:9

David atene na Ahimelek: “Mbeni likongo wala yongoro zeme ayeke na maboko ti mo ge pepe? Mbi ga na yongoro zeme ti mbi wala aye ti bira ti mbi pepe, ngbanga ti so gbia atokua mbi, mbi londo hio si mbi ga so.”

1 Samuel 22:18

Tongaso gbia atene na Doeg, zo ti Edom, atene: “Gue, mo fâ awayango-sandaga so.” Doeg ague si lo wani, lo fâ awayango-sandaga ni. Na lango ni so, lo fâ azo balemiombe na oku, ala so ayu *efod so a sara na *len.

1 Samuel 23:6

Na ndembe so lani Abiatar, molenge ti Ahimelek akpe si lo gue na tere ti David na Keila so, andaa lo mu *efod, lo gue na ni.

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 30:7

David atene na wayango-sandaga Abiatar, molenge ti Ahimelek, atene: “Mbi gbu gere ti mo, ga na mbi aye ti hundango na nda ti ye na Nzapa.” Abiatar aga na lo aye ni.