Osée 2:7 - Mbeti ti Nzapa - Tënë so amu fini

⁷ Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Osée 2:7 Iomraidhean Croise

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

Abia (Psaumes) 116:7

Ayeke nzoni be ti mbi akiri aduti na siriri, ngbanga ti so KOTA GBIA asara anzoni ye mingi na mbi awe.

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Jérémie 44:17

Me e yeke sara ye alingbi gi na tënë so kue asigigi na yanga ti e: e yeke ngba ti zö dukani na gbia-wali ti yayu si e yeke tuku samba ti mu na sandaga na lo tongana ti so e sara ni ngbii asi laso. Ababâ ti e, agbia ti e na akota zo ti kodro ti e asara nga legeoko tongaso na ya ti agbata ti Juda nga na ndö ti abalabala ti Jérusalem. Lani so e yeke sara tongaso, e yeke na kobe gbani gbani ti tengo ni, e yeke duti nzoni si e hinga ye so iri ni sioni pepe.

Ezekiel 16:18

Mo mu abongo ti mo so a sara apendere nzoroko na tere ni, mo yu na ayanda ti mo ni; mo ya mafuta na dukani ti mbi na ala.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Ezekiel 20:32

Ala yeke tene na be ti ala: ‘E ye ti ga tongana ambeni mara, tongana akete mara ti ambeni kodro, e ye ti voro keke na têne’. Me ye so ayeke si pepe.

Ezekiel 23:12

Azo ti Asirii so alango nduru na lo, lo sara nzara ti ala mingi. Azo ni ayeke agovoronere, akota komanda, aturugu so ayu apendere bongo; ala hinga ti kpe na ambarata nzoni, ala kue ayeke amaseka-koli so apendere mingi.

Ezekiel 23:22

Ndani laa, tënë so mbi Kota Gbia NZAPA, mbi tene na mo ayeke so: Andeko ti mo so lani be ti mo akiri ake ala so, mbi yeke pusu ala na tere ti mo. Mbi yeke bongbi ala mbage na mbage ti ga na tere ti mo.

Ezekiel 23:4

Iri ti yaya ni ayeke Ohola, iri ti ngambe ni Oholiba. Yaya ni so ayeke Samarii, ngambe ni ayeke Jérusalem. Ala use kue aga ti mbi si ala du amolenge-koli na amolenge-wali.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Daniel 5:21

Azo atumba lo na popo ti ala, be ti lo ti zo aga tongana ti nyama si lo yeke lango gi na popo ti alele ti ngonda; lo yeke te gi apere tongana bagara si ngu ti pere amu tere ti lo kue. Lo ngba tongaso ngbii asi na lango so lo yeda atene, Nzapa so ayeke na ndö ti aye kue laa ayeke gbia na ndö ti akodro ti azo, lo laa lo yeke zia zo so be ti lo aye na li ti kodro.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 2:16

Tongaso, mbi yeke sara kue ti woko be ti lo, mbi yeke gue na lo na benyama si mbi yeke tene anzoni tënë na lo titene be ti lo ade.

Osée 5:13

Efraim abaa kobela ti lo, Juda abaa ka ti lo; Efraim ague ti baa Asirii, lo tokua azo na ne-ne gbia, me ne-ne gbia ni alingbi ti kai kobela ti ala pepe, wala ti sara si ka ti ala amu pepe.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”