Osée 2:6 - Mbeti ti Nzapa - Tënë so amu fini

⁶ “Fade mbi yeke ye amolenge ti lo pepe, ngbanga ti so ala yeke amolenge ti ndumba.

Osée 2:6 Iomraidhean Croise

Mbeti ti Job 19:8

Nzapa akanga lege na mbi, lo ye titene mbi hon pepe; lo zia mbi, mbi tambula na ya ti vukongo ndo.

Mbeti ti Job 3:23

Me mbi yeke zo so mbi hinga pepe ndo so mbi yeke gue daa; Nzapa akanga mbi tongana zo so a kanga lo na ya ti gbagba.

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.