Osée 2:5 - Mbeti ti Nzapa - Tënë so amu fini

⁵ Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 2:5 Iomraidhean Croise

Ésaïe 1:21

So nyen! Gbata so lani azo ayeke bata tënë ti Nzapa daa so, asara tongana nyen si aga tongana wali-ndumba so? Lani na ya ti gbata ni, azo ayeke sara ye na legeni, ala yeke fâ ngbanga ti mbirimbiri. Me fadeso, gbata ni asi singo na azo ti fango zo!

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 13:22

Fade mo yeke hunda tere ti mo, mo tene: ‘Ye so asi na mbi tongaso ngbanga ti nyen?’ Biani, tongana a yo yanga ti bongo ti mo na nduzu, tongana a sara ngangu na mo, ayeke ndali ti so mo sara sioni ahon ndoni.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Ezekiel 16:35

“Mo Jérusalem, wali-ndumba, mo ma tënë ti KOTA GBIA si.

Ezekiel 16:39

Mbi yeke zia mo na maboko ti andeko ni so. Ala yeke kpaka akoto ti mo ni si ala yeke kungbi na sese aye so mo leke na nduzu ndali ti ayanda ti mo so. Andeko ti mo ni ayeke ro na tere ti mo kue abongo nga na aye ti pendere ti mo si ala zia mo tere ti mo kue senge.

Ezekiel 16:4

Na lango so a du mo, a fâ turungu ti mo pepe, a sukula mo na ya ti ngu ti zi *sioni ti mo pepe, a kpaka tere ti mo na ingo pepe, a kanga nga mo na bongo pepe.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Osée 4:5

Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Osée 8:9

Azo ti Efraim amu lege ague na sese ti Asirii. Ti lele ti ngonda, lo ye ti sara ye gi lo oko, me azo ti Efraim amu nginza ti vo na andeko.

Osée 9:10

KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.

Amos 8:13

“Na lango ni so, apendere maseka-wali na amaseka-koli ayeke kui nzara ti ngu.

Awafango-ngbanga 16:23

Mbeni lâ, agbia oku ti azo ti Filistii abongbi ti sara ngia na ti mu kota *sandaga na Dagon, nzapa ti ala. Ala he bia, atene: “Nzapa ti e azia Samson, wato ti e na maboko ti e awe.”