Osée 2:4 - Mbeti ti Nzapa - Tënë so amu fini

⁴ *KOTA GBIA atene: “Ala gue na mama ti ala na gbe ti ngbanga, ala gue na lo na gbe ti ngbanga, ngbanga ti so lo yeke wali ti mbi mbeni pepe si mbi, mbi yeke koli ti lo mbeni pepe. “Nzoroko ti aye ti ndumba so lo zia na le ti lo, ayeke nzoni lo zi ni; nzoroko ti gingo koli ti amba ti lo so lo zia na popo ti me ti lo, ayeke nzoni lo zi ni.

Osée 2:4 Iomraidhean Croise

2 Agbia 9:22

Gi so Yoram abaa Yehu awe, lo tene: “Yehu, mo ga na tënë ti siriri?” Yehu akiri tënë: “Nyen? Siriri? So mama ti mo Yezabel angba ti voro anzapa nde si lo ngba ti sara mazi so!”

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Jérémie 13:14

Mbi yeke pika ala na tere ti tere titene ya ti ala akungbi, mbi yeke pika ababâ na amolenge na tere ti tere; so tënë ti yanga ti KOTA GBIA laa. Mbi yeke zia zo oko pepe, mbi yeke sara nzoni be na zo oko pepe, mbi yeke baa mawa ti zo oko pepe. Mbeni ye oko ayeke kanga lege na mbi pepe ti fâ ala kue ti hunzi ala.’ ”

Jérémie 16:5

Biani, tënë so KOTA GBIA atene ayeke so: “Da so azo abongbi daa ti toto kuâ, mo li na ya ni pepe. Mo gue ti toto kuâ pepe, mo kangbi vundu ti azo ni pepe, ngbanga ti so siriri so mbi mu na ala, mbi zi ni awe; nzoni be so mbi sara na ala nga na bango mawa ti ala, mbi zi ni awe; so tënë ti yanga ti KOTA GBIA laa.

Ezekiel 23:25

Mo Oholiba, fade mbi yeke sara mbanda na tere ti mo; azo ni ayeke sara ye na mo na lege ti sioni ngonzo; ala yeke fâ hon ti mo na mê ti mo. Tanga ti azo ti mo so angba na fini, ala yeke kui kuâ ti yongoro zeme. Azo ni ayeke mu amolenge ti mo ti koli na ti wali; aye ti mo so angba so, fade a yeke gbi ni kue na wâ.

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Ezekiel 9:10

Tongaso mbi nga, fade mbi yeke baa mawa ti ala oko pepe, mbi yeke zia zo oko pepe; mbi yeke futa ala alingbi na lege ti sarango ye ti ala.”

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Jean 8:41

Me ti ala, ala yeke sara ye tongana babâ ti ala.” Ala kiri tënë na lo, atene: “Nzapa oko laa ayeke Babâ ti e. E yeke amolenge so a du e na gigi pepe.”

Rome 11:22

Baa, Nzapa ayeke Nzapa ti nzoni be, lo yeke nga Nzapa so fango ngbanga ti lo aso mingi. Fango ngbanga ti lo aso na tere ti azo so ati, me lo yeke sara nzoni be na mo. Alingbi mo ngba ti duti na ya ti nzoni be ti lo, tongaso pepe, fade a yeke zi nga mo tongana ti so a zi maboko ti keke so.

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.