Osée 2:22 - Mbeti ti Nzapa - Tënë so amu fini

²² Biani, ye so mbi yeke ka na peko ti mo ayeke batango tënë ti yanga ti mbi. Tongaso fade mo yeke hinga so mbi yeke KOTA GBIA.

Osée 2:22 Iomraidhean Croise

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Osée 1:4

KOTA GBIA atene na Osée: “Mo di iri ti molenge ni Yizreel, ngbanga ti so na ya ti kete ngoi, fade mbi yeke ga ti kiri peko ti sioni na *ahale ti Yehu ndali ti mene so ala tuku na Yizreel so. Fade mbi yeke sara titene lengo-gbia ahunzi na Israel.

Osée 14:7

Lo yeke ga tongana keke so amaboko ni agbara tere, pendere ti lo ayeke duti tongana ti keke ti olive, fion ti lo ayeke duti tongana nzoni fion ti keke ti Liban.

Joël 2:19

Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”