Osée 2:17 - Mbeti ti Nzapa - Tënë so amu fini

¹⁷ Kâ, mbi yeke kiri na lo ayaka ti vinye ti lo, mbi yeke sara si popo-hoto ti Akor, – popo-hoto ti ye ti vundu so – aga tongana mbeni lege so lo yeke hon daa ti wara ye so lo zia be ti lo ti ku. Kâ, lo yeke ma yanga ti mbi tongana ti so lo sara na ndembe so lo de maseka, tongana ti so lo sara na ngoi so lo sigigi na sese ti Ezipte.”

Osée 2:17 Iomraidhean Croise

Abia (Psaumes) 16:4

Azo so ayeke kpe na peko ti anzapa nde so, fade pasi ti ala ayeke hon ndoni. Ti mbi, mbi yeke kiri ti mu mene ti anyama na *sandaga na ala pepe, mbi yeke kiri ti di iri ti anzapa ni na yanga ti mbi pepe.

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 23:13

“Aye so kue mbi mu yanga daa na ala so, ala sara ye alingbi na ni. Ala sambela ambeni nzapa nde pepe; ala di nga iri ti anzapa ni na yanga ti ala pepe.”

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Josué 23:7

Amara so angba na popo ti ala so, ala sara beoko na ala pepe, ala sambela anzapa ti azo ni pepe, ala deba na iri ti anzapa ni pepe, ala kuku na gbe ti anzapa ni pepe, ala voro ala pepe.

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.