Osée 2:15 - Mbeti ti Nzapa - Tënë so amu fini

¹⁵ Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Osée 2:15 Iomraidhean Croise

1 Agbia 16:31

Titene lo sara gi amara ti siokpari so Yeroboam, molenge ti Nebat asara, so alingbi na lo pepe. Na ndö ni, lo mu Yezabel ti ga wali ti lo; Yezabel ayeke molenge ti Etbaal, gbia ti azo ti mara ti Sidon. Akab ague ti sara na nzapa *Baal si lo kuku na gbe ti nzapa ni ti voro lo.

Abia (Psaumes) 106:12

Tongaso ala ma na be na tënë ti lo si ala he bia ti sepela lo.

Abia (Psaumes) 129:1

A yeke he bia so na ndembe ti guengo ni na Jérusalem. So mbi de molenge ngbii asi fadeso, azo asara ngangu na mbi fani mingi. Ayeke nzoni azo ti Israel akiri na ndö ti tënë ni, atene:

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Ésaïe 65:21

Azo ti mbi ayeke sara ada si ala yeke lango daa. Ala yeke lu *vinye si ala yeke te alengo ni.

Jérémie 2:1

Tënë ti *KOTA GBIA asi na mbi, atene:

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 3:4

Ti fadeso, kamene asara mo pepe ti iri mbi: “Babâ ti mbi, mo so mbi mu be ti mbi na mo na ndembe so mbi de molenge!

Jérémie 32:15

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ya ti kodro so, fade azo ayeke kiri ti vo ada, ayaka na ayaka ti *vinye.’ ”

Abia ti demango tere 3:21

Me ye so mbi lingbi ti zia na ya ti li ti mbi ayeke so, ye so mbi zia be ti mbi ti ku ni ayeke so:

Ezekiel 16:22

Na ndembe so mo yeke sara lani aye so zo alingbi ti baa na le ti lo fani use pepe si mo yeke sara aye ti ndumba ti mo, mo dabe ti mo na ngoi ti maseka ti mo pepe; na ngoi so mo yeke ndumbu si bongo ayeke na tere ti mo pepe, na ngoi so mo yeke tirika na ya ti mene ti mo, mo da nga be ti mo na ni pepe.

Ezekiel 16:60

Ti mbi, fade mbi yeke dabe ti mbi na mbuki ti mbi na mo na ndembe so mo de maseka. Mbi yeke sara mbuki ni na mo kpu na kpu.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Ezekiel 28:25

“Tënë so mbi Kota Gbia NZAPA, mbi tene ayeke so: Lani, mbi sara si azo ti Israel akangbi na popo ti amara; fade mbi yeke mu ala na popo ti amara ni, ti bongbi ala na ndo oko. Na lege ti azo ti Israel, mbi yeke fa na le ti amara nde so mbi yeke Nzapa so mbi yeke nde si mbi yeke nzoni kue. Fade azo ti Israel ayeke duti na sese ti ala, sese so mbi mu ando na Jacob, zo ti kua ti mbi.

Ezekiel 28:26

Kâ, ala yeke duti na siriri, ala yeke sara ada, ala yeke fâ ayaka ti *vinye; ala yeke duti na siriri na ndembe so mbi yeke fâ ngbanga na li ti azo so ayeke baa azo ti Israel ni tongana mbumbuse ye. Fade ala yeke hinga atene, mbi laa mbi yeke KOTA GBIA, Nzapa ti ala.”

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Osée 12:9

Mo tene ti mo, mo tene: ‘Taa-tënë, mbi wara mosoro mingi, mbi wara anzoni ye mingi. Me na ya ti aye so kue mbi wara so, zo oko alingbi ti wara sioni wala siokpari daa pepe.’

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Wungo ti azo 21:17

Ndani laa, azo ti Israel ato nda ti he bia so atene: “Ayeke nzoni ngu asigigi na ya ti du ti ngu! E pika sako na li ti lo!

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.

Awafango-ngbanga 8:34

Ala girisa KOTA GBIA, Nzapa ti ala so azi ala na maboko ti awato so kue ayeke nduru na ala.