Osée 2:14 - Mbeti ti Nzapa - Tënë so amu fini

¹⁴ Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Osée 2:14 Iomraidhean Croise

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

Mbeti ti Job 36:16

Job, ando, Nzapa abata mo si ye ti ngangu asi na mo pepe. Mo yeke lani na aye gbani gbani; anzoni kobe asi singo na ndö ti meza ti mo.

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Jérémie 16:14

“So tënë ti yanga ti *KOTA GBIA laa: Biani, mbeni lango ayeke ga so fade azo ayeke kiri ti tene pepe: ‘Na iri ti KOTA GBIA so ayeke na fini, lo so lo sara si azo ti Israel asigigi na sese ti Ezipte!’,

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Ezekiel 20:10

Tongaso mbi sara si ala sigigi na sese ti Ezipte si mbi gue na ala na benyama.

Ezekiel 20:33

Fini ti mbi! So tënë ti yanga ti mbi, Kota Gbia NZAPA laa: mbi yeke ga na tere ti ala na lege ti ngangu ti maboko ti mbi, maboko ti mbi so mbi yoro, na lege ti ngonzo ti mbi ti wâ so mbi yeke tuku na ndö ti ala; lege so mbi yeke le-gbia na ndö ti ala laa.

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Mishe 1:7

Fade a yeke fâ ya ti ayanda ti gbata ni kue; aye so azo ti gbata ni awara, fade a yeke gbi ni kue na wâ, ngbanga ti so ala wara ni na lege ti sarango aye ti ndumba. Fade aye ni ayeke kiri ti hon na lege ti sarango aye ti ndumba.”

Mishe 4:10

Ala azo ti Jérusalem, ala gbu ya ti ala, ala toto tongana wali so aye ti du, ngbanga ti so ala yeke sigigi fadeso na ya ti gbata ni ti gue ti duti na ya ti ngonda. Ala yeke gue na kodro ti Babilone; kâ, *KOTA GBIA ayeke zi ala, lo yeke gboto ala na maboko ti awato ti ala.

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

Jean 6:44

Tongana Babâ so atokua mbi airi mbeni zo pepe, zo ni alingbi ti ga na mbi pepe. Tongana zo ni aga na mbi, fade mbi yeke zingo lo na kuâ na lango ti ndani.

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.

Aye so Nzapa afa 12:6

Tongaso, wali ni akpe ague na benyama. Nzapa aleke mbeni ndo kâ ndali ti lo titene a mu na lo kobe na ya ti alango saki oko na ngbangbo use na baleomene.

Awafango-ngbanga 19:3

Koli ti lo alondo, ague na peko ti lo ti de be ti lo ti kiri na lo. Koli ni amu zo ti kua ti lo na alele use si ala gue. Wali ni amu lo ali na lo na ya ti da ti babâ ti lo; so babâ ti wali ni abaa koli ni, babâ ni ayamba lo na ngia.