Osée 2:13 - Mbeti ti Nzapa - Tënë so amu fini

¹³ Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 2:13 Iomraidhean Croise

2 Agbia 1:2

Mbeni lâ, gbia Ahazia aduti na ya ti mbeni kubu ti nduzu ti yangbo ti lo so ayeke na gbata ti Samarii. Lo londo kâ, lo ti na sese na le ti fenetere si lo wara kota ka. Tongaso lo tokua azo, lo tene na ala: “Ala gue, ahunda Baal-Zebub, nzapa ti gbata ti Ekron ti hinga wala fade ka ti mbi ni ayeke mu?”

2 Agbia 10:28

Lege so Yehu azi nzapa *Baal na kodro ti Israel biani biani laa.

2 Agbia 21:3

Ando so azo aleke na ndö ti ahoto ti voro anzapa nde daa, babâ ti lo Ezekias azi ni kue; me Manase akiri aleke ni. Lo sara agbalaka ndali ti *Baal, lo leke mbeni keke aluti na nduzu ndali ti nzapa-wali *Ashera tongana ti so Akab, gbia ti Israel asara ando. Manase akuku na gbe ti aye mingi mingi so ayeke na le ti nduzu si lo sara na ala.

Mbeti ti Job 8:13

Baa ye so ayeke si na azo so agirisa Nzapa laa; ye so zo ti sioni azia be ti lo ti ku ayeke hon tongaso.

Abia (Psaumes) 106:13

Me gi hio tongaso, ala girisa aye so lo sara, ye so lo leke na be ti lo ti sara, ala ku ni pepe.

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Abia (Psaumes) 78:11

Ala girisa akota ye so lo sara, nga na aye ti kpene so lo fa na ala.

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 23:2

Ndani laa, tënë so KOTA GBIA, Nzapa ti Israel atene ndali ti awabatango-taba ni ayeke so; so ti tene ala so ayeke bata azo ti mbi so: “Ala zia ataba ti mbi akangbi kirikiri awe, ala tumba ataba ni, ala baa lege ti ala pepe. Ti mbi, mbi yeke baa lege ti ala, awabatango-taba ni, ndali ti asioni sarango ye ti ala; so tënë ti yanga ti KOTA GBIA laa.

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Abia ti demango tere 1:4

Alege ti guengo na *Sion ade dengo; ala kue ayeke na mua; zo ti gue na matanga ti Nzapa ayeke daa pepe. Ayanga ti gbagba ti gbata ni abuba kue; awayango-sandaga ayeke dema gi demango. Amaseka-wali ti gbata ni angba na vundu; be ti azo ti gbata ni afâ si ala duti na ya ti kota mawa.

Abia ti demango tere 5:14

Akangba akiri asi na ya ti bongbi ti lekengo atënë ti azo ti kodro pepe. Amaseka-koli akiri ahe bia na mozoko pepe.

Ezekiel 16:12

Mbi zia kati na hon ti mo, mbi zia aye ti mê na mê ti mo nga na pendere kpoto ti gbia na li ti mo.

Ezekiel 16:17

Aye ti pendere ti lôro na ti wen ti nginza so mbi mu na mo, mo mu ni mo sara na ayanda ti koli si mo sara ye ti ndumba na ala.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Osée 11:2

Me na pekoni, so mbi yeke iri ala, ala yeke hon gi hongo yongoro na tere ti mbi. Ala mu *sandaga na anzapa *Baal, ala zö dukani na ayanda.

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 2:7

Biani, mama ti amolenge ni asara ye ti ndumba, mama ti dungo ala asara ye ti kamene na tere ti lo. Biani, lo tene: ‘Mbi ye ti kpe na peko ti andeko ti mbi, ala so ayeke mu na mbi kobe na ngu, bongo so a sara na kua ti tere ti taba na bongo ti *len, mafuta nga na samba.’

Osée 4:13

Ala yeke mu *sandaga na li ti akota hoto, ala yeke zö dukani na li ti akete hoto, na gbe ti akeke ti shene, ti peplie na ti terebente; gbe ti de ti akeke ni ayeke pendere mingi! Ndani laa amolenge ti ala ti wali ayeke sara ye ti ndumba si awali ti amolenge ti ala ayeke gi akoli ti amba ti ala.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Ndia ti fani use ni 32:18

Azo ti Israel, Kota Têne ti batango ala, lo so lo du ala, ala baa lo tongana senge ye; Nzapa so asara si ala baa gigi, be ti ala agirisa na lo awe!

Ndia ti fani use ni 6:12

Tongaso, ala sara hange titene be ti ala agirisa na KOTA GBIA pepe, lo so lo sara si ala sigigi na sese ti Ezipte, ndo so ala yeke lani angbaa daa so.

Awafango-ngbanga 10:6

Azo ti Israel akiri asara ye so ayeke sioni na le ti *KOTA GBIA: ala voro anzapa *Baal na *Astarte. Ala voro nga anzapa ti azo ti Sirii, ti Sidon, ti Moab, ti Amon na ti azo ti Filistii. Ala do KOTA GBIA azia si ala kiri avoro lo pepe.

Awafango-ngbanga 3:7

Azo ti Israel asara ye so ayeke sioni na le ti *KOTA GBIA, ala girisa KOTA GBIA, Nzapa ti ala si ala voro anzapa *Baal na *Ashera.

1 Samuel 12:9

Me be ti akotara ti ala agirisa na KOTA GBIA, Nzapa ti ala. Ndani laa KOTA GBIA azia ala na maboko ti Sisra, makonzi ti aturugu ti Hasor, na maboko ti azo ti Filistii nga na ti Moab so atiri bira na ala.