Osée 2:12 - Mbeti ti Nzapa - Tënë so amu fini

¹² Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 2:12 Iomraidhean Croise

Abia (Psaumes) 80:12

ambeni maboko ni ague ngbii asi na kota ngu-ingo ti Mediterane, akete kete keke so asigigi na tere ni ague ngbii asi na *bale ti Efrate.

Ésaïe 29:17

Gi na ya ti kete ngoi, fade gbako ti Liban ayeke kiri ti ga yaka ti akeke so a yeke te le ni tengo si yaka ni ayeke kiri ti ga mbeni gbako.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 7:23

Na lango ni so nga, yaka ti vinye so a lu gere ni saki oko si ngere ni ayeke ale ti nginza saki oko, fade yaka ni ayeke ga ndo ti aki na ti akamba ti ki.

Jérémie 13:26

Mbi nga, mbi yeke yo yanga ti bongo ti mo na nduzu, ngbii asi na le ti mo si azo ayeke baa tere ti mo so angba ndumbu so.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Jérémie 8:13

“So tënë ti yanga ti KOTA GBIA laa: Mbi yeke fâ ala ti hunzi ala; ale ti *vinye ayeke na tere ti keke ti vinye mbeni pepe; ale ti fige ayeke na tere ti keke ti fige mbeni pepe; akugbe ni ahole awe. Ye so mbi mu lani na ala, ala do na gbe ti gere ti ala.”

Osée 13:8

Mbi yeke ti na ndö ti ala tongana mama ti *urse so azo agbu amolenge ti lo ahon na ala; mbi yeke suru ya ti kate ti ala. Na ndo so mbi yeke daa, mbi yeke mene ala tongana ti mama ti bamara; anyama ti ngonda ayeke suru ya ti ala kete kete.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.