Osée 2:10 - Mbeti ti Nzapa - Tënë so amu fini

¹⁰ “Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.

Osée 2:10 Iomraidhean Croise

2 Mbai 24:7

Âdu ti Atalii, sioni wali so, lo na azo so amu peko ti lo azia kota da ti Nzapa abuba. Na ndö ni, aye so kue a zia nde ndali ti Nzapa si ayeke na ya ti kota da ti KOTA GBIA so, ala mu ni ti sara na kua ti nzapa *Baal.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Ésaïe 3:17

Ndani laa, fade KOTA GBIA ayeke sara si li ti ala kue gi na koto-mo-lango, ndö ti le ti ala angba gi senge.

Jérémie 13:22

Fade mo yeke hunda tere ti mo, mo tene: ‘Ye so asi na mbi tongaso ngbanga ti nyen?’ Biani, tongana a yo yanga ti bongo ti mo na nduzu, tongana a sara ngangu na mo, ayeke ndali ti so mo sara sioni ahon ndoni.

Jérémie 13:26

Mbi nga, mbi yeke yo yanga ti bongo ti mo na nduzu, ngbii asi na le ti mo si azo ayeke baa tere ti mo so angba ndumbu so.

Ezekiel 16:16

Mo mu ambeni bongo ti mo, mo zia na ndo so azo aleke na nduzu ti voro anzapa nde daa titene ndo ni aga pendere si mo sara ye ti ndumba ti mo na ndö ni. Mara ti ye tongaso ade ti si laoko pepe, ayeke kiri ti si laoko pepe!

Ezekiel 16:19

Akobe so kue mbi yeke mu lani na mo, nzoni farini, mafuta ti wotoro na mafuta, mo kiri mo ya ni na *sandaga na ala titene fion ni anzere na ala. Ye so mo sara laa; so tënë ti yanga ti Kota Gbia NZAPA laa.

Ezekiel 23:29

Ala yeke sara sioni mingi na mo, ala yeke nzi amosoro so mo sara kua si mo wara so. Ala yeke zi bongo na tere ti mo si ala yeke zia mo ndumbu. Tere ti mo so mo yeke sara na ye ti ndumba so, ayeke ngba na gigi. Sarango ye ti potopoto ti mo na sarango ye ti ndumba ti mo laa asara si

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Osée 6:9

Tongana ti so *azaragina ayeke ku na lege, mbeni bongbi ti awayango-sandaga ayeke fâ azo na lege so ague na Sishem. Baa aye ti sioni mingi so ala yeke sara laa!

Mishe 5:8

“Sara bira na awato ti mo, mo fâ ala kue!”

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.