Osée 2:1 - Mbeti ti Nzapa - Tënë so amu fini

¹ Me mbeni lâ, fade wungo ti azo ti Israel ayeke ga tongana mbutu ti yanga ti kota ngu-ingo; mbutu so zo alingbi ti haka ni pepe wala ti diko ni pepe. Na ndo so, Nzapa atene lani na ala: “Ala yeke mara ti mbi pepe”, gi na ndo so laa lo yeke tene na ala: “Ala yeke amolenge ti Nzapa so ayeke na fini.”

Osée 2:1 Iomraidhean Croise

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:38

Ala yeke kiri ti duti azo ti mbi si mbi yeke duti Nzapa ti ala.

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Ezekiel 37:27

Ndo ti dutingo ti mbi ayeke na popo ti ala; mbi yeke duti Nzapa ti ala si ala yeke duti azo ti mbi.

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.