Osée 14:9 - Mbeti ti Nzapa - Tënë so amu fini

⁹ Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Osée 14:9 Iomraidhean Croise

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Abia (Psaumes) 107:43

Zo so ayeke na ndara, fade lo yeke gbu li ti lo na ndö ti aye ni si lo yeke hinga lo tene, KOTA GBIA ayeke sara nzoni be.

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 84:5

Ti ala nzoni, azo so asara kodro na ndo ti mo, ala yeke he bia lakue ti sepela mo! Luti kete

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Amato 10:29

Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Amato 16:21

Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 17:8

Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Jérémie 29:12

Tongaso, tongana ala di iri ti mbi si ala gue ti sambela mbi, fade mbi yeke ma ala.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Ezekiel 11:18

Tongana ala, azo ti Israel, ala kiri awe, ala yeke zi afungo yanda kue na asioni ye so kue zo alingbi ti baa na le ti lo fani use pepe so.

Ezekiel 18:25

Me ala yeke tene: ‘Sarango ye ti KOTA GBIA ayeke na legeni pepe!’ Ala azo ti Israel, ala ma tënë so nzoni: Mbi laa sarango ye ti mbi ayeke na legeni pepe? Wala ala laa sarango ye ti ala ayeke na legeni pepe?

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Sofonii 3:5

Andaa KOTA GBIA ayeke na ya ti gbata ni, lo yeke mbirimbiri, lo yeke sara ye ti sioni pepe. Lakue na ndaperere, lo yeke fâ ngbanga polele; lo zia lege ni pepe. Ataa so kue, kamene ayeke sara zo ti sioni pepe.

Zakarii 10:6

Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Nzoni Tënë so Luc asu na mbeti 7:23

Ti lo nzoni, lo so lo ma na be na mbi awe si lo kiri lo zia lege ni pepe!”

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 8:47

Zo so ayeke ti Nzapa ayeke ma atënë ti Nzapa. Ti ala, ala ma tënë ti mbi pepe, ngbanga ti so ala yeke azo ti Nzapa pepe.”

Jean 9:39

Jésus atene: “Mbi ga na dunia so ti fâ ngbanga: tongaso si awaziba abaa ndo si azo so ayeke baa ndo, akiri aga awaziba.”

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!