Osée 14:7 - Mbeti ti Nzapa - Tënë so amu fini

⁷ Lo yeke ga tongana keke so amaboko ni agbara tere, pendere ti lo ayeke duti tongana ti keke ti olive, fion ti lo ayeke duti tongana nzoni fion ti keke ti Liban.

Osée 14:7 Iomraidhean Croise

Abia (Psaumes) 138:7

Tongana mbi yeke hon na ya ti aye ti ngangu, mo yeke sara si mbi kiri mbi duti na fini, ataa so awato ti mbi asara ngonzo na tere ti mbi; mo yoro maboko ti mo, mo soo mbi na lege ti ngangu ti mo.

Abia (Psaumes) 85:6

Mo yeke ngba ti sara ngonzo na tere ti e tongaso lakue? Mo yeke ngba ti bata ngonzo ti mo na tere ti e ngu na ngu?

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

B. ti abia 4:11

Mo so mo yeke ga wali ti mbi so, tongana mbi su yanga ti mo, mo baa mo tene mafuta ti wotoro ayeke daa, mafuta ti wotoro na ngu ti me ayeke na gbe ti menga ti mo. Fungo ti abongo ti mo ayeke nzoni tongana fungo ti gbako ti Liban.

B. ti abia 6:11

Mbi gue na yaka so a lu akeke so a yeke te ale ni, ti baa akeke so asigigi na tere ti ngu, ti baa wala afini kugbe asigigi daa awe, ti baa wala afini maboko asigigi na tere ti keke ti vinye awe, wala akeke ti grenade asara kongo awe.

Ésaïe 61:11

Tongana ti so sese asara si kobe asigigi, tongana ti so yaka asara si le ti kobe so a lu asigigi, legeoko nga, fade KOTA GBIA Nzapa ayeke sara titene mbirimbiri na sepelango lo asigigi na dawa ti amara kue.

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Osée 2:21

Fade mo yeke duti wali so mbi mu mo titene mo ga wali ti mbi kpu na kpu. Ye so mbi yeke ka na peko ti mo ayeke ye ti mbirimbiri nga na ndia, yengo tere nga na nzoni be.

Osée 2:22

Biani, ye so mbi yeke ka na peko ti mo ayeke batango tënë ti yanga ti mbi. Tongaso fade mo yeke hinga so mbi yeke KOTA GBIA.

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.