Osée 14:5 - Mbeti ti Nzapa - Tënë so amu fini

⁵ KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Osée 14:5 Iomraidhean Croise

2 Samuel 23:4

lo yeke tongana lumiere ti ndaperere na le ti nduzu so mbinda ayeke daa pepe; lo yeke tongana lâ so ayeke sara titene pere asigigi na peko ti so ngu-Nzapa apika.”

2 Agbia 19:30

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

Mbeti ti Job 29:19

Mbi yeke tongana keke so agunda ni ague, awara ngu. Na bi, ngu ti pere aduti na ndö ti maboko ti keke ni.

Abia (Psaumes) 133:3

Ye ni ayeke tongana ngu ti pere ti ndö ti hoto ti Hermon so ayeke zu na ndö ti hoto ti Sion. Na ndo so laa KOTA GBIA ayeke sara tufa na ndö ti azo si lo yeke mu na azo fini, kpu na kpu.

Abia (Psaumes) 72:16

Ayeke nzoni ale ti *ble asi singo na ya ti kodro ni, ayeke nzoni ale ti ble ni asigigi gbani gbani, amu li ti ahoto tongana ti so keke ayeke mingi na li ti hoto ti Liban! Ayeke nzoni gbata ni amai tongana pere so amu ndö ti sese!

Abia (Psaumes) 72:6

Ayeke nzoni gbia ni aga tongana ngu-Nzapa so ayeke pika na ndö ti pere so a fâ li ni awe; lo ga tongana ngu-Nzapa so atuku na ndö ti sese ngbii si awoko!

Abia (Psaumes) 80:9

Ando na sese ti Ezipte, mbeni keke ti vinye ayeke daa; mo gboto keke ni kâ, mo tumba amara nde si mo kiri mo lu keke ni na sese ti ala.

Abia (Psaumes) 92:12

Mbi baa na le ti mbi tingo ti awato ti mbi, mbi ma na mê ti mbi tënë ti azo ti sioni so aga ti tiri na mbi.

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

B. ti abia 2:16

Kamba ti be ti mbi ayeke ti mbi si mbi yeke ti lo. Lo gue na anyama ti lo ti te pere na popo ti akongo.

B. ti abia 4:5

Ame ti mo use ayeke tongana amolenge use ti wuga, amolenge ti dengbe so a du ala angbo, so ayeke te pere na popo ti kongo.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Ésaïe 27:6

Na ya ti angoi so ayeke ga, fade mara ti Jacob ayeke ga tongana keke so agunda ni asigigi, Israel ayeke ga tongana keke so kugbe asigigi daa, akongo ni asigigi; ale ti keke ni ayeke mu ndö ti dunia kue.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 45:8

Ayayu, na nduzu kâ, ala sara si mbirimbiri atuku na ndö ti sese tongana ngu ti pere! Ambinda, ala sara si mbirimbiri asua tongana ngu-Nzapa so ayeke sua! Ayeke nzoni ya ti sese asuru si tënë ti songo zo na kuâ amu kongo, sarango ye ti mbirimbiri asigigi tongana fini keke! Mbi KOTA GBIA laa mbi sara ye so.”

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ésaïe 57:19

fade mbi yeke zia bia ti sepela na yanga ti ala.” KOTA GBIA atene: “Siriri na zo so ayeke na yongoro ndo, siriri na zo so ayeke nduru! Biani, mbi yeke kai kobela ti azo ti mbi.”

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Matthieu 6:28

“Ngbanga ti nyen si ala yeke gi be ti ala ndali ti bongo? Ala baa lege so akongo ti ngonda ayeke kono na ni: ala yeke sara kua pepe, ala yeke leke nga bongo pepe.

Nzoni Tënë so Luc asu na mbeti 12:27

Ala baa akongo ti ngonda: akongo ni ayeke sara kua pepe, ala yeke fu nga bongo pepe. Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.