Osée 14:2 - Mbeti ti Nzapa - Tënë so amu fini

² Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Osée 14:2 Iomraidhean Croise

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

Mbeti ti Job 7:21

Mo lingbi ti kanga be ti mo na siokpari ti mbi pepe? Mo lingbi ti zi sioni na li ti mbi pepe? Fadeso mbi ga nduru ti lango tongana kuâ na ya ti fuku ti sese. Tongana mo gi mbi, mbi yeke daa mbeni pepe.

Abia (Psaumes) 119:108

KOTA GBIA, yeda na sambela ti mbi so mbi ya na mo tongana *sandaga so; fa na mbi atënë ti fango ngbanga ti mo.

Abia (Psaumes) 50:14

Ayeke nzoni mo mu singila na mbi, Nzapa; singila ni ayeke nzoni sandaga so mo mu na mbi. Sara ye alingbi na zendo so mo mu na mbi, Nzapa so ayeke na yayu kâ na ndö ti aye kue.

Abia (Psaumes) 51:16

O Nzapa, wasongo mbi, zi ngbanga ti mene na li ti mbi; ngbanga ti mene so mbi tuku so. Fade mbi yeke he bia na ngia ti fa ye ti mbirimbiri so mo sara na mbi.

Abia (Psaumes) 51:17

Kota Gbia, zi yanga ti mbi si fade mbi he bia ti gonda mo.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 6:7

Lo ndu yanga ti mbi na le ti wâ ni si lo tene: “Gi so ye so andu yanga ti mo awe, a zi sioni ti mo awe, a zi siokpari na li ti mo awe.”

Jérémie 3:12

Gue mo to mbela na tënë so na mbage ti Banga, mo tene: KOTA GBIA atene: ‘Israel, wali-pupulenge, mo kiri maa! Tongana mo kiri na tere ti mbi, fade mbi yeke be le na mo pepe, ngbanga ti so nzoni be ti mbi angba lakue. Mbi yeke bata mo na be lakue pepe; so tënë ti yanga ti KOTA GBIA laa.

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Osée 5:5

Baba ti azo ti Israel laa afa sioni ti ala na le ti azo. Azo ti Israel na azo ti Efraim ati ndali ti sioni ti ala; azo ti Juda ati nga legeoko na ala.

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Jonas 2:9

Azo so ayeke voro asenge senge nzapa so, ala ke lege ti nzoni be so mo sara na ala.

Zakarii 3:4

Ange ni amu yanga na azo so ayeke luti na dawa ti lo, atene: “Ala zi asarate bongo so na tere ti lo.” Na pekoni, lo tene na Yeshua: “Baa, mbi zi asioni ti mo awe, mbi yeke yu na mo abongo ti matanga.”

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Nzoni Tënë so Luc asu na mbeti 11:13

Ala so ayeke azo ti sioni, ala hinga ti mu anzoni ye na amolenge ti ala. Tongaso, Babâ so ayeke na yayu, alingbi ti mu ande Yingo-Vuru na azo so ahunda ni na lo pepe?”

Nzoni Tënë so Luc asu na mbeti 18:13

Me zo ti rongo nginza ti lapo angba ti lo yongoro kâ; lo mu nga le ti lo na nduzu pepe. Me lo zia maboko ti lo na ndö ti go ti lo, lo tene: ‘Nzapa, baa mawa ti mbi, mbi so mbi yeke zo ti siokpari so.’

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Rome 11:27

Baa, *mbuki so mbi na ala e yeke sara ni laa, tongana mbi yeke zi asiokpari ti ala.”

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

Ahebro 13:15

Alingbi e ngba ti mu sandaga na Nzapa lakue na lege ti Jésus, sandaga ni ayeke gondango so e yeke gonda iri ti lo na anzoni tënë ti yanga ti e.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.